İyulun 22-də Ukrayna Azərbaycanlıları Birləşmiş Diasporunun (UABD) Odessa təşkilatı Ramazan bayramı münasibətilə iftar süfrəsi təşkil edib. Tədbirdə müxtəlif millətlərin təmsilçiləri olan 500 nəfərə yaxın insan, qadınlar uşaqlar iştirak ediblər: «İftardan öncə namaz qılınıb, ikinci vətənimiz olan Ukraynada müharibənin tezliklə bitməsi və ərazi bütövlüyünün bərpa olunması üçün dualar edilib» bu barədə UABD-nin Odessa təşkilatının sədri Anar Ağayev məlumat verir.

Tədbirdə Odessa müsəlmanları cəmiyyətinin rəhbərlərindən Şeyx İlyas, Hacı Malik, Hacı Məhəmməd və Odessa təşkilatının sədri Anar Ağayev çıxışlar ediblər. İftar süfrəsini mərasiminin təşkilatçıları qonaqlara Ramazan ayının mahiyyəti ilə bağlı məlumat veriblər. Məclisdə Ulu Tanrıdan Ukrayna torpaqlarında sülhün bərqərar olması üçün dualar edilib. UABD üzvləri bütün müsəlmanları müqəddəs bayram münasibətilə təbrik ediblər.

Qeyd edək ki, azərbaycanlıların təşkil etdiyi «İftar süfrəsi» mərasimi Odessanın 7-ci kanalında işıqlandırılıb.