vaxtlı-vaxtında oxuyun! Çərşənbə, 18 iyul 2018
ABŞ dolları 1 USD = 1.7000 AZN
Avro 1 EUR = 1.9921 AZN
Rusiya rublu 1 RUB = 0.0273 AZN
İngilis funt sterlinqi 1 GBP = 2.2519 AZN
Türk lirəsi 1 TRY = 0.3510 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
MÜƏLLİF  
19:48 | 25 sentyabr 2013 | Çərşənbə Məqaləyə 1297 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Axsaq ayaqla möhtəşəm yeriş»

Kül keçəlin başına...

Salam SARVAN

MÖVZU İLƏ ƏLAQƏLİ

Narxozda "Elmi kommunizm"dən dərs deyən müəllimimiz şuluqluğa başlayanda hələ SSRİ-də yenidənqurma başlamamışdı. Orda-burda qulağımıza qəribə şeylər pıçıldayırdı.

Məsələn, deyirdi ki, Engels Mançestrdəki şəxsi fabrikində fəhlələri sutkada on üç saat ağır şəraitdə işlədir, verdiyi əməkhaqqı onların yeməyinə güclə çatırdı. Fəhlələrdən oğurladığı həmin pulla isə Engels heç yerdə işləməyən Marksı dolandırırdı ki, o da fabrikləri sahibkarların əlindən almaq çağırışlarıyla məşğul idi.
Məsələn, deyirdi ki, Vladimir Ulyanov cəmi bircə dəfə məhkəmədə olub. Kəndliləri məhkəməyə verərək xeyli cərimə elətdirib, nədi-nədi, həmin kəndlilərin atları onun şəxsi torpaq sahəsini tapdayıblar. Sonradan anası həmin torpağın icarəsindən gələn pulu xaricdə yaşayan Leninə göndərirdi ki, o da orada torpağı sahibkarların əlindən almaq çağırışlarıyla məşğul idi...
Yox e, yox, bunlar heç də bu fani, cani, mani-mani dünyanın qəribə işləri deyil, bunlar dünyanın məntiqi, mahiyyəti.
Hərçənd dünyanın məntiqi «Nəsimi» filmində ən maraqlı sandığım səhnədə: Teymurun axsaq ayaqla möhtəşəm yerişində!
İndi bu filmin o yerindəyəm ki, Fəzlullah Nəiminin qızı Nəsimini qabağına qoyub uşaq kimi danlayır. Ki, hamı atamın xilası haqqında düşünür, təkcə səndən başqa... Gənc şair Nəsimi isə həmin vəziyyət üçün ona əqidədaşlarının da, dostlarının da, sevgilisinin də nifrətini qazandıracaq bir cavab verir: Fəzlin xilası mümkün deyil.
Niyə?
Bu suala isə bir müddət sonra Fəzli xilas etməyə gedən Dövlət bəy cavab verir: Kəcavə boşdur... İç boşdur, baş boşdur, əl boşdur... Şair Allaha üz tutub deyir: Bu böyük boşluğa atdım özümü, sənə arxayınam, özün tut məni.
Yüz ilə yaxın ki, Yeni Qvineya papuasları arasında bir inanc dolaşmaqda. Bu inancın daşıyıcıları belə hesab eləməkdə ki, ağdərililər İncilin birinci səhifəsini qəsdən cırıb atmışlar. Guya o səhifədə yazılıbmış ki, İsa peyğəmbər papuas olub. Və yüz ilə yaxındır, bu inanca tapınanlar oturub gözləməkdə ki, İsa peyğəmbər bu gün-sabah qayıdacaq, papuasları ağaya, ağdərililəri isə onların quluna döndərəcək.
İkinci Dünya Müharibəsi illərinin günlərinin birində Okeaniya adalarına enən, yerli camaatçün ərzaq yardımı gətirən ABŞ təyyarəsi... O gündən bəri həmin camaat konservlənmiş ət bankasına sitayiş eləməkdə. Və gözləməkdə ki, bu gün-sabah ərzaqla dolu o təyyarə yenə də göydən düşəcək.
Göydənsə hələ ki, yağışların və ölü quşların düşdüyü bu zəmanədə xilasını yeni bir imamın zühurundan gözləyən müsəlman dünyasının adını isə çəkmirəm. Hər necə olsa, özümüzünküdü, duz-çörək kəsmişik, dost var, düşmən var, hələ üstəlik bağda ərik var, salam-məlik var...
Amma bunu da deyəcəyəm: Dostoyevski haradasa oturub yeyib-içəndə ağzından bir söz qaçırıb deyə, hamı arxayınlıqla gözləməkdə ki, dünyanı gözəllik xilas edəcək.
Xoşdur. Amma iç boşdur, baş boşdur, əl boşdur. Okeaniya insanın sitayiş elədiyi o banka boşdur. Yeni Qvineya papuasları isə Saramoqonu oxusaydılar bilərdilər ki, İncilin birinci səhifəsi də boş olub.
Dostoyevskinin həmin cümləsi də ki əslində beləydi: "Gözəllik xeyirxah olsaydı, dünyanı xilas edə bilərdi..."
Gözəllikdə isə xeyirxahlıq olmur.
Xilas qeyri-mümkün. Olsa-olsa, o, bir daimi ehtiyac. Xilas oldunsa, yenə də, yenə də, yenə də xilas olmaq istəyəcəksən.
Tük keçəlin başına.

   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)