vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
GÜNDƏM  
23:24 | 24 dekabr 2014 | Çərşənbə Məqaləyə 3016 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«ASAN xidmət» BMT-nin diqqətində

Azərbaycanlı diplomata beynəlxalq təşkilatda yüksək vəzifə verildi

MÖVZU İLƏ ƏLAQƏLİ

Azərbaycanlı diplomat Sultan Hacıyev BMT-nin İnkişaf Proqramının İraqın Kürdüstan vilayətindəki regional ofisinin rəhbəri vəzifəsinə təyin edilib. Məlumata görə, Sultan Hacıyev BMT sistemində çalışan ən yüksək vəzifəli azərbaycanlıdır.

İraq hazırda BMT sistemi üçün prioritet ölkələrdən biri hesab olunduğundan həmvətənimizin məhz bu ölkədə yüksək vəzifəyə təyin edilməsi xüsusilə əhəmiyyətlidir.

Sultan Hacıyev artıq İraqda iş təcrübəsinə malikdir. O, bu ölkəyə BMT-nin İnkişaf Proqramının baş qərargahında xüsusi mürəkkəblik kateqoriyasına aid olan ölkələr üzrə baş müşavir vəzifəsini icra edərkən ezam olunub.

BMT-dəki karyerasına 1994-cü ildə Azərbaycanda başlayan Sultan Hacıyev bacarıqlı «böhran meneceri» kimi tanınıb. O, 2010-cu ilin aprelində Qırğızıstanda baş vermiş inqilab, həmin ilin yayında ölkənin cənubundakı etnik toqquşmalar zamanı uğurlu fəaliyyəti, həmçinin Əfqanıstan, Yəmən və Cənubi Sudan kimi ölkələrdə gördüyü işlərlə tanınıb.

Uzun müddət BMT-nin baş qərargahında çalışmış Sultan Hacıyev ölkəmizin bu qurumun İnkişaf Proqramı ilə e-idarəçilik sahəsindəki sıx əməkdaşlığına nail olub. Bundan əlavə, Azərbaycanın uğurlu dövlət idarəçilik örnəklərinin oxşar inkişaf problemlərini yaşayan ölkələr üçün nümunə kimi göstərilməsini fəal şəkildə təbliğ edib. Kabildə institusional inkişaf məsələləri üzrə baş müşavir işlədiyi zaman ölkəmizin BMT-nin strateji donoru kimi tanınmasına nail olub.

Qeyd edək ki, Azərbaycanda BMT İnkişaf Proqramının böyük marağına səbəb olan və təşkilatın xarici ölkələrdə tətbiq etmək istədiyi digər perspektiv istiqamətlərdən biri də «ASAN xidmət»dir (AzərTAc).