vaxtlı-vaxtında oxuyun! Çərşənbə axşamı, 12 dekabr 2017
ABŞ dolları 1 USD = 1.7000 AZN
Avro 1 EUR = 1.9995 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.2935 AZN
Türk lirəsi 1 TRY = 0.4397 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
RƏY, REPLİKA  
15:19 | 4 sentyabr 2015 | Cümə Məqaləyə 651 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Canfəşanlıq yoxdur»

«Nə iqtidar, nə də müxalifətçi namizədlərin səsi gəlir»

Namidə BİNGÖL

MÖVZU İLƏ ƏLAQƏLİ

Azərbaycanın eks-prezidenti Ayaz Mütəllibov ölkədəki siyasi proseslərlə bağlı Modern.az-ın sullarını cavablandırıb.

- Ayaz müəllim, çoxdandır səssiniz gəlmir. Deyəsən, yay boyu ancaq istirahət etmisiniz? 

- Bu yay ancaq bağda dincəldim. Əlimdə bel bağbanlıqla məşğul olmuşam. Eyni zamanda, nəticəm Ayazla da səmərəli vaxt keçirməyə çalışdım. 


- İstirahət öz yerində. Yəqin ki, ölkənin siyasi həyatı ilə də maraqlanırsınız. Bildiyiniz kimi, ölkədə keçiriləcək parlament seçkilərinə çox az vaxt qalıb. Seçkiqabağı siyasi vəziyyəti necə dəyərləndirirsiniz? 

- Əslində bu barədə danışmaq fikrim yoxdur. Bir halda ki, sizi ümumi siyasi vəziyyət maraqlandırır, bir-iki kəlmə danışa bilərəm. Parlament seçkilərinə qısa zaman qalsa da, canfəşanlıq göstərən yoxdur. Hələ ki nə iqtidar, nə də müxalifət tərəfindən seçkilərə qatılmaq niyyətləri olan namizədlərin səsi gəlir. Deyərdim ki, sakitlikdir.

 

- Sizcə, seçkiqabağı durğunluq nə ilə bağlıdır?

- Bunu ümumi vəziyyətlə əlaqələndirərdim. Siyasətdə görüləsi çox işlərimiz var. Həmçinin, dünyada gedən siyasi proseslər var ki, diqqət mərkəzindədir. Ona görə də hadisələri qabaqlamaq lazımdır.


- Son günlər cəbhə xəttində atəşkəsin mütəmadi olaraq pozulması cəmiyyətdə narahatlıq yaradır. Sizcə, Ermənistan tərəfi atəşkəsi pozmaqla Azərbaycana «müharibə anonsu» verə bilərmi? 

- Unutmamalıyıq ki, cəbhədə baş verənlər kənar qüvvələrin marağına xidmət edir. Bəzən özümə sual verirəm ki «atəşkəsin pozulması kimə lazımdır?».

Cavabım o olur ki, iqtisadiyyatı dağılmış Ermənistana lazım deyil. Ermənistanın müharibə etməyə gücü yoxdur. Həmçinin, Ermənistanın radikal tədbirlərə əl atmağa da gücü yoxdur. Ermənistana arxa duran kənar qüvvələr var ki, məsələnin həll olunmasına mane olur. Atəşkəsi pozmaqla Ermənistan tərəfi heç nə deyə bilməz.

Çünki Ermənistanın heç vaxt açıq şəkildə danışa bilməməsi hamıya bəllidir. İşğalçı Ermənistan böyük dövlətlərin təsiri altındadır. Ermənistanın daxilində yaranmış vəziyyətə nəzər salsaq görərik ki, Azərbaycana qarşı radikal çıxışlar etməyin mənası yoxdur.

Azərbaycan tərəfinə gəldikdə isə münaqişənin sülh yolu ilə həll olunmasının tərəfdarıdır.

 

- Azərbaycan və Ermənistan prezidentlərinin BMT Baş Məclisinin sessiyası çərçivəsində görüşəcəyi ehtimal olunur. Bu görüşün ATƏT-in Minsk qrupunun həmsədr dövləti olan ABŞ-ın təşəbbüsü ilə baş tutacağı proqnozlaşdırılır. Siyasi rəhbərlik bir araya gələcəksə, bu, Dağlıq Qarabağ məsələsinin həllinə necə təsir edə bilər?

- Bu cür görüşlərin mütəmadi olaraq təşkil olunmasının çox böyük əhəmiyyəti var. Azərbaycan heç bir zaman qarşılıqlı görüşlərdən imtina etməyib. Həmişə iştirak edib. Narahatedici məqam odur ki, görüşlərin nəticəsi yoxdur.

Nə qədər ki, Azərbaycan təzyiqə məruz qalacaq, bu görüşlərin də nəticəsi olmayacaq. Hər görüşdə Azərbaycandan kompromisə getməyi tələb edirlər. 20 faizdən artıq torpağı işğal altında olan dövlətdən hansı kompromisi gözləmək olar?! Əgər yeni bir təklif varsa və bu təklifi Nyu-Yorkun özündə müzakirə etməyə hazırdırlarsa, o zaman bu görüş olsun. Amma gəlin söhbət edək, arxada isə başqa cür davranışlar sərgilənsin, düşünürəm ki, bu, vaxtı öldürməkdir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *