13:39 | 26 yanvar 2013 | Şənbə
Məqaləyə 3056 dəfə baxılıb
Şriftin ölçüsü
«Bu yaz deputatların yükü nə olacaq?»
Fərəh SABİRQIZI
MÖVZU İLƏ ƏLAQƏLİ
-
Kimlər vergidən azad olunacaq?
Yeni güzəştləri tətbiq ediləcək
-
Yaşıl dəhliz niyə işləmir?
“Gömrük tarifi haqqında” Qanuna dəyişikliklərin əhəmiyyəti
-
Pensiyalar nə qədər artacaq?
Orta aylıq əmək haqqının 900 manata çatacağı bildirilir
-
Büdcə müzakirələri ...
Sənədin sonuncu oxunuş üzrə komitə iclasında əsas dəyişiklik nə olub?
-
ƏDV-dən qazanc dəbə minib...
Mənzil alanda faizin geri qaytarılması şərtləri necədir?
-
Son 5 ildə 36 pillə geriləmə ...
... Yaxud Milli Məclisdəki bir görüşlə BMT hesabatı arasında əlaqə axtarışı
-
Büdcə icrasının müzakirələri
Fiskal siyasətdə hər manatın iqtisadiyyata təsiri
-
Ali təhsil 3 ilə endirilə bilər
Bütün universitetlərin yataqxanası olmalıdır
-
Bu ilin büdcəsinə dəyişiklik
İlk dəfə sosial xərclərin payı 45 faizdən çox olacaq
-
Bakı-Naxçıvan bileti 60 manat
Əli Əsədov fərman imzaladı
-
MM-də yeni təyinat
25 il aparat rəhbəri işləyən Mirzəyevi 33 yaşlı gənc əvəzlədi
-
Kitabsevərlər sevinəcək ...
Vacib məsələ həll olundu, qaldı – tərcümə, termin, oxucu azlığı və istəksizliyi problemi
-
Nazirlər Kabineti siyahını təsdiqlədi
ƏDV-dən azad olunan çap məhsulları
-
Prezident fərmanları niyə icra olunmur?
Konseptual sənədlərin layihələrini kim gecikdirir?
-
“Ölkədə savadsızlıq tüğyan edir”
11-ci sinif buraxılış imtahanlarında 25 faiz şagird 50 balı aşa bilməyib
-
Sudan ucuz?
Ödənişli istifadə qaydaları ilə bağlı yeni qərara sözardı...
Yanvarın 15-dən parlamentin komitələri işə başlayıb. Fevralın 1-də keçiriləcək yaz sessiyasının ilk toplantısının gündəliyinə 14 məsələ daxil edilib.
İlk iclasda deputatlara yaz sessiyasında müzakirəyə çıxarılacaq məsələlər barədə açıqlama veriləcək. Bəzi komissiyaların tərkibi yenilənəcək. İmzalanan bir sıra iqtisadi sazişlər Milli Məclis tərəfindən təsdiqini tapacaq. Bəzi sənədlər parlamentdən keçəndən sonra diplomatik pasportu olan şəxslər İtaliya, Portuqaliya, Monteneqro kimi ölkələrə viza almadan gedə biləcəklər. Konstitusiyaya uyğun olaraq parlamentin yaz sessiyasının beşinci iclasında Nazirlər Kabinetinin 2012-ci ildəki fəaliyyətinə dair hesabatı dinləniləcək.
Lakin düşünməyin ki, parlamentin bu ildəki ilk iclası elə bu cür sakitliklə qəbul edilən sənədlərə baxmaqla keçəcək. Fevralın 1-nə olan gündəliyə salınan məsələlər arasında Seçki Məcəlləsinə əlavə və dəyişikliklər layihəsi də var. Hələlik Məcəlləyə hansı dəyişikliklərin olunacağı barədə açıqlama verilməyib. Ölkədə seçki ili olduğunu nəzərə alsaq, Seçki Məcəlləsinə istənilən xarakterli dəyişikliyin ictimaiyyət tərəfindən maraqla qarşılanacağını demək olar. Bundan əlavə, ilk iclasda deputatlar İnzibati Xətalar Məcəlləsinə əlavələri də müzakirə edəcəklər. Bu dəfə hansı xətaya görə hansı məsuliyyət növü, hansı cəza dəyişəcək – hələlik, bilinmir.
Ümumilikdə, ictimaiyyətin yaz sessiyasından gözləntiləri çoxdur. Məsələn, neçə illərdir deputatlar və vətəndaş cəmiyyəti “Reproduktiv sağlamlıq haqqında” qanun layihəsi ilə bağlı bir ortaq məxrəcə gələ bilmirlər. Hər dəfə elan edilir ki, artıq bütün qurumlarla razılaşma var və sənəd qəbul olunacaq. Amma sonra proseslərə birdən-birə “Stop” deyilir. Sonuncu dəfə bu sənədin yaz sessiyasına saxlanması haqda xəbər verilmişdi.
Hər kəsin marağında olan digər bir məsələ – ailənin tək övladının hərbi xidmətdən azad olunmasına dair təklifin də bu yaz parlamentdə müzakirəyə çıxarılacağı gözlənilir. Artıq indidən bu təkliflə bağlı fikirlər haçalanır, diskussiyalar qızışır. Parlamentdə bu məsələnin sakit keçməyəcəyi indidən bəllidir.
Təbii, əhalini maraqlandıran əsas məsələlər sosial mövzuda olan qanunlardır. Neçə ildir barəsində danışılan daha bir sənəd də deputatlar tərəfindən qatının açılacağı günü gözləyir. Söhbət gənc ailələrə sosial dəstək haqqında layihədən gedir. Bu qanun qəbul edilsə, yeni ailə quran gənclər daha rahat şərtlə ipoteka alacaq, işlə təmin olunacaq, digər sosial güzəştlər əldə edəcəklər.
Parlamentin yaz sessiyasında Təhsil krediti, Xeyriyyəçiliklə bağlı qanun layihələrinin də müzakirə oluna biləcəyi istisna deyil. Fevralın 1-dək komitələr yaz sessiyasında müzakirəyə çıxarılacaq qanun layihələrini nəzərdən keçirəcək, məqsədəuyğun hesab edilən sənədləri Milli Məclisin müzakirəsinə tövsiyə edəcəklər. Hələlik, Milli Məclisin saytında yaz sessiyasının iş planı asılmayıb. “Qanun layihələri” bölməsində də heç bir sənəd yerləşdirilməyib.
