vaxtlı-vaxtında oxuyun! Bazar ertəsi, 19 fevral 2018
ABŞ dolları 1 USD = 1.7001 AZN
Avro 1 EUR = 2.1335 AZN
Rusiya rublu 1 RUB = 0.0302 AZN
İngilis funt sterlinqi 1 GBP = 2.4037 AZN
Türk lirəsi 1 TRY = 0.4521 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
SƏHİYYƏ, ORDU  
18:13 | 28 oktyabr 2016 | Cümə Məqaləyə 723 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kor qalmış səhiyyə

«Diqqət!!! Səhiyyə Nazirliyi xəbərdarlıq edir!»

Afət TELMANQIZI

MÖVZU İLƏ ƏLAQƏLİ

Bir qonşum var idi. Gözləri görmürdü. Kimlərsə, ona «kor Nəsibə» deyəndə mənim bu insana yazığım gəlirdi. Başqalarından fərqli olaraq, onun özünün insanlardan təcrid durumda olmasını hər vəchlə əngəlləməyə çalışırdım. Tez-tez yanına gedər, onun özünü lazımsız saymasına imkan verməzdim. Nəsibə nənə gözdən əlil idi. Qaba səslənsə də, kor idi. Amma onun korluğundan kimsəyə xətər gəlməzdi. Lakin «kor səhiyyəmiz»dən çoxlarına xətər gəldi. İndi də Səhiyyə Nazirliyi guya nələrisə malalayırmış kimi kor sistemdə nur axtarır. «Azərbaycanda pulsuz səhiyyə ləğv edildi», - deyə aləmə car çəkir. Bir bunlardan soruşan da yoxdur ki, olmayan nəyisə neçə ləğv eləmək olar axı??? Səhiyyə onsuz da heç vaxt pulsuz deyildı axı. Pulsuz xidmətin yalnız adı var idi, vəssalam, Oqtay həkim.

Bir məsələni xatırlatmaq yerinə düşərdi. Bir dəfə mollanın arvadı deyir ki, ay molla, yıxıldım ağlım başımdan çıxdı. Molla da deyir ki, arvad olmayan şey necə başdan çıxa bilər axı…

Pulsuz səhiyyənin ləğvi də lap buna oxşadı. Oqtay həkim başqa planetdə yaşamırıq ki, siz burada, biz burada. Pulsuz tibbi xidmətin olduğu deyilən hansı xəstəxanaya gedirsən, pul verib oradan çıxırsan. Adı pulsuz, özü pullu xəstəxananın girişindəcə tibb personalı ilə qarşılaşanda həkim xəstəni bəni-adəm kimi yox, manat kimi görür. Yazıq camaat da o qədər öyrəşib ki, həkimə pul verməyə, pul verməyəndə də ürək sakit olmur. Dövlət poliklinikasına girib salam verirsən, ardınca da əlin cibinə girir. Əzələdaxili vurdurduğun bir iynənin qiyməti 1 manat, damara vurulan bir iynənin qiyməti 3 manat, UZI xidmətinin qiyməti 20 manat və sair,  və ilaxır.

Əl qərəz, tibbi xidmətin bu zamanadək pulsuz olduğuna Oqtay həkimi kim inandırıb, bilmirəm. Bildiyim bir şey var ki, şəxsən mən pulsuz səhiyyənin ləğvi xəbərini bayram kimi qeyd etdim. Oqtay həkimin də canına dualar oxudum… Bundan sonra xəstəxanaya Allah eləməmiş yolumuz düşsə, onda daha «Səhiyyə pulsuzdur, mən niyə pul verim» sualları içimizi parçalaya-parçalaya həkimə pul vermərik. O pulu ürəklə, sorğu-sualsız verərik… «Daha adı var, özü yox»-, deyib özümüzü aldatmarıq. Pulsuz səhiyyənin ləğvinə gərçəkdən çox sevindim.

İndi bilərəm ki, verdiyim pul büdcəyə gedəcək. Büdcəyə gedən pul da həkimin maaş rəqəmində dəyişiklik edəcək. Həkim də xəstənin əlinə baxmayacaq. «Kor səhiyyəmiz»dən gözünə də nur gələcək. Düzdür, qonşum Nəsibə nənə bu dünyanı kor olaraq, kimsəyə zərər yetirmədən tərk etdi. Amma səhiyyənin kor gözünə nur gəlməsə, çox insanın Əzrayılı ağ xalatlılar olacaq. Ağ xalatlılar deyirəm ha…. O dünyada olduğu zənn edilən ağa bürünmüş mələklər yox!

«Diqqət!!! Səhiyyə Nazirliyi xəbərdarlıq edir! Pulsuz səhiyyə ləğv olundu» xəbərini oxuyanda başınızı qaşımayın, ovcunuzu qaşıyın. Bunu da sözgəlişi dedim!


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)