35 milyonluq millətə onlarla mətbu orqanı lazımdır
Məcid Araz: «Araz TV İrandakı çoxmillətli toplumun tribunu olmağa çalışır»
MÖVZU İLƏ ƏLAQƏLİ
-
Pişəvərinin ölümü!
Yaxud erməni terroru yoxsa Sovet kəşfiyyatının əməliyyatı
-
Cənubi Azərbaycan düyünü ...
Dövlətin adını Şimali Azərbaycana dəyişmək bunu açacaqmı?
-
... “Səhər”in səsi
Məhəmməd Kazım Şəriətmədari haqda bir müsahibə ilə xırp kəsiləcək ...
-
Güneylilər Bakıda
Keçici Milli Məclisinin Təşkilat Komitəsinin üzvləri siyasi partiyalar və QHT-lərlə görüşəcək
-
Teatr işçiləri hicabdan imtina edib
“Şou bitəcək və həqiqət üzə çıxacaq”
-
Adı qalaya verilən sərkərdə
Milli qəhrəman Kazım Xan Quşçu kimdi?
-
Güneylə 90-cı illərin Quzeyi
Bugünkü müzakirə və gəlişmələr öz sözünü mütləq deyəcək
-
Güney Azərbaycanda fəlakət
Hirkan meşələri dördü gündür yanır
-
Prezidentdən mühüm mesajlar
Brüssel görüşündən imtina, İrana gözdağı, Zəngəzur dəhlizi ilə bağlı yekun fikir
-
O tayın və bu tayın lideri
İlham Əliyev Helmut Kolun yolunu gedir – hamını inandırmaq
-
Gərgin mərhələyə qədəm qoyuruq
“Güney azərbaycanlıların hüquqları məsələsi İranın daxili işidir” dövrü geridə qaldı
-
Güneydə ümummilli aksiya təyin olundu
21 Azər hərəkatına hazırlıq gedir
-
Pezeşkiyan rejimə səsləndi
Təbrizli millət vəkili etirazçıların səsini eşitməyə çağırdı
-
Təbrizdə dərman çatışmır
Xammal yoxdur, müəssisələr bağlanır, bahalaşma gözlənilir
-
AzTV aktivləşib
Dövlət televiziyasının sosial şəbəkələrdə paylaşımları və baxış sayı kəskin çoxalıb
-
“Bu qan yerdə qalmayacaq”
Təbrizi divarlarını qraffiti yazıları bürüdü
Araz News internet televiziyasının əməkdaşı Məcid Araz Amerikanın Səsi ilə söhbətdə bu TV-ni İran Azərbaycanı və ümumiyyətlə İranda yaşayan türklərdən əlavə ölkənin qeyri-fars millətləri üçün də bir tribun halına gətirməyə çalışdıqlarını ifadə edir. Araz News TV təqribən 5 aydır YouTube üzərindən gündəlik şəkildə türk və fars dillərində proqram yayımlayır.
Məcid Arazın bildirdiyinə görə, bu TV Azərbaycan Milli Dirəniş Təşkilatının orqanı Araz News veb səhifəsinin fəaliyyətləri davamında həyata keçirilmiş bir layihədir:
«Araz News veb səhifəsi əməkdaşları olaraq düşündük ki, Güney Azərbaycan Milli Hərəkatının vizual media baxımından boşluğu və əskiklikləri var. İllərdir Güney Azərbaycana proqram yayan bir TV-miz var... Amma düşündük ki, 35 milyonluq bir millətə bir yox, bəlkə onlarca media orqanı lazimdir».
«5 aydır nizamlı şəkildə proqramlar yayımlaya bilmişik. Xəbər, şərh, analiz və qısa sənədli filmlər şəklində Güney Azərbaycan problemləri və məsələlərini ələ almağa çalışırıq. Əlavə olaraq, İranda yaşayan 30 ilə 40 milyon türkün hamısı Azərbaycanda yaşamır, onlar da Araz News TV-nin maraq sahəsinə daxildir. Qaşqay türkləri və türkmənlər də həmçinin... Ümumiyyətlə, Güney Azərbaycan üçün bir tribun olmağın yanında TV-ni İrandakı çoxkültürlü və çoxkimlikli toplumun da bir tribunu və mikrofonu halına gətirməyə çalışırıq,» deyə o internet TV-nin fəaliyyət istiqamətini şərh edir.
Araz News TV həmçinin türk fəallar, eləcə də digər qeyri-fars cəmiyyətlərə mənsub siyasi fəallar ilə müsahibələr təşkil edir.
«Fəaliyyət mərkəzimiz Ankaradır, ancaq sadəcə Türkiyədə yaşayanlar ilə deyil, misal üçün internet bağlantısı ilə başqa ölkələrdə yaşayan ərəb fəallarla müsahibəmiz olub. Önümüzdəki günlərdə çalışırıq bəluç və kürd fəallarla da müsahibələrimiz olsun,» deyə Ankarada yaşayan urmiyalı fəal söyləyir.
TV-nin izləyiciləri tərəfindən gələn alqışlar və tənqidlər haqqında danışan Məcid Araz proqramlarda istifadə edilən dilə dair tənqidlərə diqqət çəkir:
«Güney Azərbaycanda öyrədilən bir türkcə olmadığı, və bizim insanlarımızın nə yazıq ki, ədəbi ya yazı dili olaraq türkcəyə hakim olmadıqları üçün bəzi problemlər yaşayırıq. Quzey Azərbaycanda işlədilən türk dilinin bəzi terminlər, ya qavramları Güney Azərbaycanda anlaşılmır və bəzi cümlə quruluşları da səhvə yol açır...»
O, TV əməkdaşlarının bu problemi müxtəlif yollarla çözməyə çalışdığını bildirir, amma eyni zamanda problemin ancaq «Güney Azərbaycanda türk dilinin təməlli öyrədilməsi, məktəblərdə oxudulması və bir Türk Dil Qurumunun təsis edilməsi» ilə tam şəkildə çözülə biləcəyini deyir.
Məcid Araz və əməkdaşları Araz News TV layihəsini gələcəkdə peyk vasitəsilə həyata keçirmək istiqamətində çalışırlar.