vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
GÜNDƏM  
14:18 | 15 noyabr 2016 | Çərşənbə axşamı Məqaləyə 2829 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«AZAL prezidenti Azərbaycanca danışa bilmirsə...»

Qulu Məhərrəmli: «Ciddi tədbirlər görülməlidir»

Ayyət ƏHMƏD

MÖVZU İLƏ ƏLAQƏLİ

Azərbaycan elitası dilimizə sayğısız yanaşır. Bu sözləri Sherg.az-a millət vəkili Əflatun Amaşovun «AZAL təyyarəsində bələdçilər Azərbaycan dilinə hörmətsizliklə yanaşır» iddiasına münasibət bildirərkən Nəsimi adına Dilçilik İnstitutunun şöbə müdiri, professor Qulu Məhərrəmli söyləyib.

Tanınmış jurnalistin sözlərinə görə, Azərbaycan dilinin qloballaşdırılması və dilçiliyin inkişafı ilə bağlı dövlət programına uyğun olaraq Azərbaycan dilinin ədəbi dilinin normaları, qayda- qanunları düzgün şəkildə təbliğ edilməlidir: «Bu səbəbdən adi küçə reklamlarından, afişaların üzərindəki yazılardan, televiziya və radio məkanına qədər sərt tələblər irəli sürülür. Bütün bunlara baxmayaraq, bu sahədə ciddi problemlərin olması təəssüfləndiricidir. Televiziyaların bəzilərində dil şurası olmasına baxmayaraq, düzgün fəaliyyət göstərmir. Azərbaycan dilinin düzgün təbliğ olunmamasının əsas səbəbi həmvətənlərimizin dilimizi sevməməsi, normalara diqqət etməyə çalışmamasıdır. Xüsusilə adını elita qoyan təbəqə dilimizə çox sayğısız yanaşır».

Q.Məhərrəmli onu da diqqətə çatdırıb ki, ciddi tələblər qoyulmasa dilin bayağılaşması prosesi sürətlənə bilər: «AZAL prezidentinin özü Azərbaycanca danışa bilmirsə, təyyarə bələdçilərindən Azərbaycan dilini düzgün işlətməsini gözləmək real deyil. Hesab edirəm ki, kəskin tələblər qoyulmasa ədəbi dil normaların riayət edilməyəcək. Bu barədə ciddi tədbirlər görülməlidir».

Qeyd edək ki, Milli Məclisin deputatı, Mətbuat Şurasının sədri Əflatun Amaşov Azərbaycan Hava Yolları Qapalı Səhmdar Cəmiyyətindən (AZAL) şikayətçi olduğunu, şirkətin təyyarəsində bələdçilərin Azərbaycan dilinə hörmətsizliklə yanaşdığını bildirib.