Türkiyə «İkinci Suriya»ya çevrilə bilər
MİT terrorun qarşısını ala bilmir
Vüqar İSMAYILOV
MÖVZU İLƏ ƏLAQƏLİ
-
“S-400”ə qarşı “Brahmos”
Yunanlar tüfəngin qarşısını sapandla almaq istəyir
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“Moskva terroru “təməlatma” idi”
Qərb analitikləri Avropa ölkələrinə xəbərdarlıq etdi
-
... Avropanın ilk beşliyində
Milyarderlər məskəni, sevimli-əziz şəhər ...
-
Üç Türk lider bölgənin iqtisadi xəritəsini dəyişir
ABŞ-ın narazı qaldığı məqam
-
Dövlət Departamentindən “F-16” izahı
“Heç bir müttəfiqimiz Türkiyə qədər öz torpaqlarında terrora məruz qalmır”
-
“F-16”lar üçün yaşıl işıq
Yunan və erməni lobbisinin əziyyətləri özlərinə qaldı
-
Ən azı 20 tanker gözləyir
Gəmilər Türkiyənin ərazi sularında tıxac yaradıb
-
Qardaş yumruğu və mollaların bədbəxtliyi...
Ayətullahlar sovetin qoca Politbüro üzvləri kimi eyni durum, eyni “ssenari” ilə üzləşib
-
Tehran “F-16”ları gördü
Qırıcılarının təlimlərə cəlb edilməsi Əliyevin toxunduğu məqamı aktuallaşdırdı
-
“Dostlara güc, düşmənə qorxu”
Hərbi təlimlər Güney azərbaycanlıları öz haqları uğrunda mübarizəyə həvəsləndirir
-
“Bir gecə, qəfildən ...”
Xarici işlər naziri Çavuşoğludan Yunanıstana sərt reaksiya: “Geri addım atmasa, lazım olanı edəcəyik”
-
524 gəmi, 13 milyon ton taxıl
Almaniyanın məşhur qəzeti Ərdoğanı göylərə qaldırdı ...
-
“Hara getsək arxamızca qaçır”
“Çavuşoğlu Dendiası ələ saldı” başlığını manşet edən yunan mətbuatı Akarın Bakı səfərindən də yazıb
-
“Özünü qorumaq haqqı var”
İsveç baş nazirinin keçmiş millət vəkilinə Türkiyə cavabı
-
PKK əl çəkir, ABŞ yox ...
Patrul əməliyyatları bərpa edildi
Türkiyə tarixinin ən təşvişli dönəmlərindən biri yaşayır. Ölkə son 18 ayda PKK, İŞİD və digər terror qruplaşmalarının silsilə hücumlarına məruz qalıb. Sonuncu belə hadisə ötən gün İzmirdə məhkəmə binasının qarşısında törədilən partlayış oldu.
Milliyətçi Hərəkat Partiyasının (MHP) ölkə parlamentinə təqdim etdiyi hesabatda deyilir ki, 2015-ci ilin yayından 2017-ci ilin yanvarına qədər Türkiyə ərazisində gerçəkləşdirilən terror aktları və silahlı hücumlar zamanı 593 dinc sakin, 538 hərbçi, 303 polis, 63 mühafizəçi həlak olub. Bu isə ümumilikdə, 1512 insanın zorakı ölümü deməkdir.
Amma bu da son deyil. İyul ayında dövlət çevrilişi cəhdi zamanı həlak olan 5 hərbçi, 62 polis və 173 dinc sakini, «Fərat Qalxanı» əməliyyatı çərçivəsində Suriyada həlak olan 43 əsgəri də hesabata daxil etsək, bu rəqəm 1795 olacaq. İstənilən ölkə üçün bu kifayət qədər ciddi itkidir və ilk növbədə həmin ölkənin xüsusi xidmət orqanlarının zəifliyinin göstəricisidir.
İstər PKK, istərsə də İŞİD asanlıqla İstanbul, Ankara, Kayseri, Qaziantep, İzmir kimi böyük şəhərlərin mərkəzinə daxil olaraq, öz silahlı aksiyasını asanlıqla həyata keçirə bilirlər. Xüsusi xidmət orqanlarının, o cümlədən MİT-in (Milli İstihbarat Təşkilatı) terror aktlarının qarşısını ala bilməməsinin səbəbi kimi ötən ilin iyulundakı dövlət çevrilişi cəhdindən sonra çoxlu sayda professional kəşfiyyatçının «fətullahçı» (FETO) təşkilatla əlaqələrdə ittiham olunaraq işini itirməsi göstərilir.
Professional kadrlarını itirən təhlükəsizlik qüvvələri isə ölkəni bürüyən terror dalğası qarşısında aciz vəziyyətdə qalıblar. Bununla yanaşı, Türkiyənin Suriyaya hərbi müdaxiləsi, 3 milyondan artıq qaçqını öz ərazisində yerləşdirməsi də ölkədəki ictimai-sosial durumun kəskinləşməsinə şərait yaradıb. Qaçqınlar arasında İŞİD və PYD-nin gizli üzvü olan şəxslərin gəlməsi onların identifikasiyasını çətinləşdirən amillərdən sayılır.
İstənilən halda, 2017-ci ildə də Türkiyədə qeyri-stabil durumun davam edəcəyi və ölkəni yeni terror hücumlarının sarsıdacağını gözləmək olar. Bu təhlükələrə qarşı rəsmi Ankara təhlükəsizlik sahəsində ciddi islahatlara getməli və Qərb ölkələri, xüsusən ABŞ-la kəşfiyyat sahəsində məlumat mübadiləsini daha da intensivləşdirməlidir. Əks halda, terror aktlarının sayı və miqyası təhlükəli həddə gələcək və Türkiyəni ikinci Suriyaya çevirəcək.
Türkiyədəki qeyri-stabillik isə Yaxın və Orta Şərqin, həmçinin Balkanların, bir sözlə, dünyanın geopolitik mənzərəsində əsaslı deformasiyalara səbəb olacaq.