vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
AVROPA  
17:26 | 16 yanvar 2017 | Bazar ertəsi Məqaləyə 2357 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Müsəlman olmağa görə «üçqat cəza»

Britaniyada hicablı qadınların üçdə biri işləyir

MÖVZU İLƏ ƏLAQƏLİ

Müsəlman qadınlar Britaniya cəmiyyətində iqtisadi cəhətdən ən həssas durumda olan qrupdur. Böyük Britaniya parlamentinin Qadınlar və Bərabər İmkanlar Komitəsinin hesabatında belə deyilir. Sənəddə vurğulanır ki, nazirlər bu ilin sonunadək sözügedən qeyri-bərabərliyi aradan qaldırmağa dair plan işləyib hazırlamalıdırlar. Məlumatı BBC yayıb.

Rəqəmlər göstərir ki, müsəlman qadınların işsiz işaxtarana çevrilmək ehtimalı ümumən ölkədəki qadınlardan üç dəfə çoxdur. Onların iqtisadi cəhətdən fəaliyyətsizliyi ehtimalı isə iki dəfə çoxdur.

Ancaq bu sahədə irəliləyiş də var. İndi 2011-ci il nisbətən 45 faiz daha çox müsəlman qadın işləyir. Amma hökumətin sözçüsü deyib ki, hələ qarşıda görüləsi çox iş var.

Komitənin hesabatında vurğulanır ki, Britaniyada yaşayan müsəlman qadınların bir çoxu qadın, etnik azlıq və müsəlman olduqlarından «üçqat cəza»ya məruz qalırlar.


Qadınların cəmi 35 faizi işləyirdi


Milli Statistika İdarəsinin 2015-ci ilə aid rəqəmlərinə görə, yaşı 16-64 olan müsəlman qadınların cəmi 35 faizi işləyirdi. Həmin ilin mart və may ayları arasında əmək yaşındakı britaniyalı qadınların 69 faizi işləyib.

İqtisadi cəhətdən fəaliyyətsiz, yəni işsiz və iş axtarmayan qadınların müqayisəsi isə daha maraqlıdır.

Milli Statistika İdarəsinin 2015-ci ilə aid rəqəmlərində ölkədəki müsəlman qadınların 58 faizinin iqtisadi cəhətdən fəaliyyətsiz olduğunu görürük. Eyni ilin mart-may aylarında Britaniyada qadınların cəmi 27 faizi iqtisadi cəhətdən fəaliyyətsiz olub. İşsiz olub iş axtaran müsəlman qadınlarsa 16 faiz təşkil edib. Ölkə üzrə bu göstərici 5 faiz olub.

2011-ci il siyahıyaalmasının təhlili göstərir ki, iqtisadi cəhətdən fəaliyyətsiz müsəlman qadınların 44 faizi ev və məişətlə məşğul olduqlarına görə fəaliyyətsizdirlər. Müqayisə üçün, ölkə üzrə bu səbəbdən işləməyən qadınların sayı 16 faiz təşkil edir.

 

Səbəblər


Hesabatda mövcud duruma gətirib çıxaran bir neçə amil sadalanıb:


Ailənin təzyiqi: Müsəlmanlar arasında belə bir fikir var ki, «qadın evə baxır, kişi çörək qazanır». Hesabatı hazırlayarkən komitənin məsləhətləşdiyi alimlər belə deyib.


İslamofobiya: Araşdırmalar göstərir ki, müsəlman qadınların düşdüyü «kəskin» əlverişsiz vəziyyət onların dini inancı ilə bağlıdır. İslamofobiyanın müsəlman qadınlara təsirini hesaba almamaq olmaz.


İşə götürmə zamanı ayrı-seçkilik: Müsəlman qadınlar adları, dini və etnik geyimlərinə görə diskriminasiyaya məruz qala bilirlər. Onlara evlilik, uşağa qulluq və ailə öhdəliklərinə dair suallar verilməsi ehtimalı daha çoxdur.


Məscidlərin rolu: Bəzi məscidlər qadınların iş tapmağa səy göstərməsinə mənfi təsir edir.


Yoxsulluq və digər maneələr: Komitə müəyyən edib ki, ingilis dili bilikləri bəziləri üçün maneə kimi qalmaqdadır.


«Özümə inamım azalib»


Mançester Universitetinin 21 yaşlı məzunu deyir ki, telefonda aparılan iş müsahibəsi çox uğurlu keçsə də, üzbəüz görüşdə o, baş örtüyü taxan yeganə namizəd olub və tonun dəyişdiyini görüb.

O, satış sahəsində olan bu vəzifəni ala bilməyib.

«Bu mənim üzbəüz müsahibələrə gedən zaman özümə inamımı bir qədər azaldıb. Düşünürəm ki, telefon müsahibələrində özümə daha əmin oluram», – deyə o əlavə edib.

Hesabatda deyilir ki, qadınlar ayrı-seçkilik və həmkarların mənfi münasibətindən çəkinərək bəzi iş yerlərinə ərizə vermirlər. Parlament üzvləri bütün iş yerləri üçün «adsız işə götürmə»nin tətbiqinə çağırıblar. Bu zaman işəgötürənlər ərizəçinin adını görməyəcəklər. Bu, işəgötürənlərin «ağ səslənən» adlara üstünlük verərək onları müsahibəyə dəvət etməyə meylli olması ilə bağlıdır.

«Biz hökuməti rol modellər göstərməyə və mentorluq proqramlarının tətbiqinə çağırırıq. Bu, müsəlman qadınların iş yerlərində öz potensiallarını dərk etməsinə yol açardı», – parlament komitəsinin hesabatında deyilir.