vaxtlı-vaxtında oxuyun! Bazar ertəsi, 21 avqust 2017
ABŞ dolları 1 USD = 1.7008 AZN
Avro 1 EUR = 1.9963 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.1926 AZN
Türk lirəsi 1 TRY = 0.4822 AZN
Məhəmməd Hüseyn Şəhriyar (1906 - 1988)

«Səndən uzaq düşsəm də
mən eşqin ilə yaşayıram, 
Yaralanmış qəlbim kimi
qəlbi viran Azərbaycan.»

Məhəmməd Hüseyn Şəhriyar (1906 - 1988)
İZDİHAM  
00:01 | 20 yanvar 2017 | Cümə Məqaləyə 1048 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İstəmirəm azadlığı zərrə-zərrə, qram-qram

70 illik buxovu bir gecədə qıran – Nəriman

Afət TELMANQIZI

MÖVZU İLƏ ƏLAQƏLİ

Saatın əqrəbləri hərəkət edir. Saniyələr zamanını dəqiqələrə, dəqiqələr isə saatlara xərcləyir. Bir başqa məkanda isə Adəm ovladı Tanrıdan ona verilən ömür payını Vətəninin azadlığı yolunda xərcləyir. Heyfslənmədən, qürur duyaraq bunu edir. O gün də onlar canlarını fəda etdilər. Azadlıq uğrunda canımız fəda deyib FƏDAİ oldular. 20 yanvar fədailəri vətənin müstəqilliyi uğrunda canlarından keçdilər. Azadlıq verilmir, alınır, Onlar övladlarının, doğmalarının, soydaşlarının azadlığını almaq üçün, həyatda qazanacaqlarını bir gecədə xərclədilər. Onlar arzularını, xoşbəxtliklərini qurban verdilər. Çünki Azadlıq qurban tələb etdi.

Nə baş verdi? Kimin diktəsi ilə Bakı, bölgələr qana boyandı? Neçə-neçə ailənin çırağı söndü? Neçə -neçə ailə başsız, bacılar qardaşsiz, analar- atalar oğulsuz, gəlinlər dul, uşaqlar yetim qaldi? Bu sualların cavabını hər kəs bilir. Mən bunlardan danışmayacam. Siyasi tərəflərin təkrar xatırlatmayacam. Mən sizə o günü yaşamiş şahid kimi anladacam. Orta məktəbdə oxuyurdum. O axşam nədənsə səmada da bir tutqunluq var idi. Sanki buludlar da ağlamaq ucun dolmuşdu. Qonşu qız da bizdə idi o gün. Ona nəsə içimdə bir narahatlıq var, sanki dünya başımıza uçacaq deməyimlə küçədən maşınla ötən insanların səsgücləndirici ilə «hamı meydana» çağırışı arasında saniyə söhbəti oldu. Qonşu uşaqları da böyüklərə qoşulub səs gələn tərəfə getdilər. Bəziləri döndü, bəziləri isə... Həmin axşam güllə səsləri, anamın hıçqırığı, tələsik otaqlarin işıqlarını söndürməsi, səssizliyimiz bir başqa hüzn idi. O sakitliyi güllə səsləri, bir də qapımızın önündən keçərək qapıya təpik vuran ayaqlar pozurdu. O gün səhəri dirigözlü açdıq. Anam tibb işçisi olduğu üçün işə getməsəm olmaz orda xəstəxanada olmalıyam. Kiməsə kömək etməliyəm deyərək getdi. O gələnə qədər gözümüzə yuxu getmədi, dəfələrlə öldük, dirildik. Anam evə gələndə bildik ki, yolda sovet imperiyasının vəhşi ordusu silahlıları anamı qorxudub, onu durdurub göyə atəş açıblar. Hər il həmin dəhşətli gün gözümün qarşısında canlananda özümü sanki ən dəhşətli film seyr edirmiş kimi hiss edirəm. Qonşumuz Vəli dayının günü uzunu təşvişlə özünə yer tapa bilmədiyini, ora-bura vurnuxduğunu indi də gözümün qarşısındadır. Sən demə narahatlığının səbəbi varmış, ata qarşıdan gələn faciəni hiss edibmi. Günün sonunda Hüseynovlar ailəsinin nalə-fəryad səsləri məni sanki dünyadan qopardi. O gün qonşum, sinif yoldaşım, uzun illər bir partada arxasında oturduğum Nərimanın meyiti gəldi. Sonuncu dəfə evlərini tərk etmək üçün. Oğul itkisinə dözməyən ana dəli oldu. Bir gecədə atanın saçları ağardı. Biz 20 yanvarda sinif yoldaşımızı itirdik.

Hər il məktəb yoldaşlarımızla Nərimanı ziyarətə gedəndə o günlərin əzabını təkrar yaşayıram. Həmin fəryadları, ana naləsini eşidirəm. Gözlərim önündə boynu bükük ata, bir də Nərimanın gözü yaşlı buraxdığı iki bacısı canlanır.

Ruhun şad olsun Nəriman! Ruhunuz şad olsun 20 yanvar şəhidləri! Kölə ölkənin vətəndaşındansa, müstəqil ölkənin şəhidi olmağı seçənlər, vətənin azadlığı üçün həyatlarını Qurban verənlər! Azadlığınız, azadlığımız Mübarək!!!


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)