vaxtlı-vaxtında oxuyun! Cümə axşamı, 21 sentyabr 2017
ABŞ dolları 1 USD = 1.7007 AZN
Avro 1 EUR = 2.0421 AZN
Rusiya rublu 1 RUB = 0.0293 AZN
İngilis funt sterlinqi 1 GBP = 2.2982 AZN
Türk lirəsi 1 TRY = 0.4878 AZN
Şeyx Məhəmməd Xiyabani (1880 - 1920)

«Hər  bir millətin ləyaqətinin ilkin şərti müstəqillikdir»

Şeyx Məhəmməd Xiyabani (1880 - 1920)
GÜNDƏM  
16:45 | 23 yanvar 2017 | Bazar ertəsi Məqaləyə 395 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İrəvan özünə yer eləyir

Ermənistan Bakı-Tiflis-Qars layihəsinə qoşulmaq üçün danışıqlar aparır...

MÖVZU İLƏ ƏLAQƏLİ

Ermənistan Bakı-Tiflis-Qars dəmiryol dəhlizinə qoşulmağa maraq göstərir. Virtualaz.org xəbər verir ki, bu barədə Ermənistanın nəqliyyat, informasiya texnologiyaları və rabitə naziri Vaan Martirosyan bildirib.

Nazirin sözlərinə görə, Gürcüstan dəmir yollarını Türkiyə dəmir yolları ilə birləşdirəcək Qars-Axalkalaki xəttinin tikilməsindən sonra İrəvan Ermənistan və Türkiyə arasında bu xətlə daşınmaların gerçəkləşməsi üçün danışıqlara başlayacaq.

Xatırladaq ki, Qars-Axalkalki xətti Bakı-Tiflis-Qars dəmir yol dəhlizinin bir hissəsidir. Hazırda həmin xəttin tikintisi gedir.

Gürcüstan və Rusiya hissəsində tikinti işlərinin ləngiməsi, nəticədə Bakı-Tiflis-Qars dəmir yolunun işə salınmasının dəfələrlə təxirə salınması məlumdur. Xəttin tikintisi üçün Azərbaycan dövləti Gürcüstana 1 milyard dollara yaxın güzəştli kredit ayırıb. Bu dəmir yol xətti strateji əhəmiyyət daşıyır, İpək Yolu dəhlizi ilə beynəlxalq yükdaşımaları artırmaqla yanaşı Ermənistanın layihədən kənarda qalması onun təcrid olunmasını daha da möhkəmləndirəcək.

Bəs Qarabağ münaqişəsi həll edilmədiyinə və kommunikasiyalar açılmadığına görə Ermənistan Azərbaycanın əsasən maliyyələşdirdiyi bu nəqliyyat dəhlizinə necə qoşula bilər?

Vaan Martirosyan «Azadlıq» radiosunun erməni xidmətinə açıqlamasında deyib ki, Qars-Axalkalaki xətti ilə Ermənistandan Türkiyəyə və geriyə yük daşımaları ilə məsələn, Gürcüstan dəmiryolu şirkəti məşğul ola bilər.

«Bu istiqamətdə danışıqlar aparılacaq. Nəticələr barədə sizi məlumatlandıracağıq. Ermənistanın başqa dövlətlərlə ticarət dövriyyəsini artmasına yardım göstərə bilən istənilən saziş, razılaşma, əmin olun, müzakirə edilir», – nazir deyib. Rəsmi olaraq Ermənistanın Türkiyə ilə sərhədləri bağlıdır, bu iki ölkə arasında münasibətlər Qarabağ məsələsinə görə mövcud deyil. Lakin belə məlum olur ki, Türkiyə Ermənistanın ən iri ticarət tərəfdaşlarından biridir.

Ermənistanın Dövlət Statistika Komitəsinin məlumatına görə, 2016-cı ilin yanvar-noyabr aylarında Türkiyə-Ermənistan arasında ticarət dövriyyəsi 145,4 milyon dollar olub. Bu, 2015-ci ilin eyni dövri ilə müqayisədə 17 faiz çoxdur. Bu göstəricilərə görə, Türkiyə Ermənistanın 7-ci ən iri ticarət tərəfdaşıdır. Çox maraqlıdır ki, erməni-türk ticarəti, az qala, əsrin dördə biri qədər bir müddətdə sərhədlərin bağlı olması fonunda gerçəkləşib. Ankara Qarabağ münaqişəsinə görə 1993-cü ilin aprelində Ermənistanla sərhədi bağlayıb.

Ermənistan hökuməti  isə nəqliyyat blokadasından çıxa bilmək üçün İranla da əlaqələri dərinləşdirməyə can atır, belə ki, bu ilin sonunda qonşu ölkə ilə sərhəddə «azad iqtisadi zona» yaratmaq niyyətindədir. İqtisadi inkişaf və investisiya nazirinin müavini Ovanes Əzizyanın sözlərinə görə, azad ticarət zonası İran sərhədinin bir neçə kilometrliyində yerləşən Syunik əyalətinin kiçik şəhəri olan Agarakda yaradılacaq.

«Bu, turizmə şərait yaratmaq və hər hansı gömrük öhdəliyi olmadan adamları mal almağa həvəsləndirmək üçün vacibdir», – Əzizyan müxbirlərə deyib. «Biz həmçinin gözləyirik ki, İran tərəfi azad ticarət zonasında Avrasiya İqtisadi Birliyi və Avropa kimi digər bazarlar üçün məhsul hazırlanmasına maraq göstərəcək», – nazir müavini əlavə edib.

Ovanes Əzizyanın sözlərinə görə, bəzi İran şirkətləri artıq bu zonaya maraq göstərib. Nazir müavini ümid edir ki, bu layihə Ermənistanın İranla ticarət əlaqəsini daha da gücləndirəcək.

Tarix boyu, necə deyərlər, özümə yer elərəm, gör sənə neylərəm prinsipiylə davam edən daşnak siyasəti Azərbaycanın layihəsində özünə yer axtarır.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *