vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
GÜNDƏM  
22:26 | 21 mart 2017 | Çərşənbə axşamı Məqaləyə 2420 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İvankanın iştirakı ilə…

...Donald Trampla İlham Əliyev arasında telefon danışığı

MÖVZU İLƏ ƏLAQƏLİ

ABŞ prezidenti Donald Trampın sevimli qızı İvanka Trampa Ağ evdə xüsusi kabinet ayrılacaq və o, atasının qeyri-rəsmi müşaviri kimi fəaliyyətə başlayacaq. Habelə dövlət sirri sayılan məlumatlara çıxışı olacaq, ancaq maaş almayacaq və dövlət qulluqçusu statusu daşımayacaq.

Virtualaz.org xəbər verir ki, bu barədə Amerika KİV-lərinə istinadən «Rossia Today» bildirir. Hüquqşnüas Ceymi Qorelik deyib ki, İvanka Trampın görən gözü, eşidən qulağı olacaq, ona müxtəlif məsələlərdə məsləhətlər verəcək.

İvanka atası ilə çoxdan işləyir. O, «Trump Organization» şirkətində işə başlayıb, Trampın apardığı «Namizəd» teleşousunda partnyor olub, daha sonra atasının seçki kampaniyasında fəal iştirak edib. İvanka deyir ki, onun Ağ evdə oturmasında qəbaəhət heç nə yoxdur. Qız əlavə edir ki, dövlət qulluqçuları üçün davranış qaydalarına əməl edəcək. Lakin tənqidçilər deyirlər ki, İvankanın Ağ evdə oturması və qeyri-rəsmi müşavir statusu daşıması Trampın prezidentliyi ilə bağlı etik məsələlər haqda suallar meydana çıxaracaq. Artıq İvankanın əri Cared Kuşner Trampın rəsmi müşaviridir.

Digər tərəfdən tənqidçlər deyirlər ki, İvanka hələ bizneslə məşğuldur, onun özünün geyim və bər-bəzək biznesi var.

Lakin tənqidlərə baxmayaraq İvanka atası prezident seçiləndən bəri onun siyasi fəaliyyətində yaxından iştirak edir. Məsələn, bu günlərdə İvanka Vaşinqtonda Almaniya kansleri Angela Merkellə Donald Tramp arasındakı görüşdə Merkelin yanında oturmuşdu və söhbətdə iştirak edirdi.

Habelə İvanka Tramp atasını Yaponiya baş naziri Sindzo Abe ilə görüşdə və Türkiyə prezidenti Rəcəb Tayyib Ərdoğanla telefon danışıqlarında müşaiyət edib. Habelə Trampın Azərbaycan prezidenti İlham Əliyevlə və Argentina rəhbəri Maurisio Makri ilə telefon söhbətinə qatılıb.

Xatırladaq ki, Azərbaycan prezidenti İlham Əliyev ötən ilin noyabrında Trampın prezident seçilməsindən sonra onunla telefon danışığı aparıb və seçkilərdə qələbə münasibətilə təbrik edib.