Delxoşun fikri xoş olmayıb
Azərbaycanlı millət vəkillərindən iranlı parlamentarinin türkləri təhqir etməsinə etiraz
MÖVZU İLƏ ƏLAQƏLİ
-
Pişəvərinin ölümü!
Yaxud erməni terroru yoxsa Sovet kəşfiyyatının əməliyyatı
-
Cənubi Azərbaycan düyünü ...
Dövlətin adını Şimali Azərbaycana dəyişmək bunu açacaqmı?
-
... “Səhər”in səsi
Məhəmməd Kazım Şəriətmədari haqda bir müsahibə ilə xırp kəsiləcək ...
-
Güneylilər Bakıda
Keçici Milli Məclisinin Təşkilat Komitəsinin üzvləri siyasi partiyalar və QHT-lərlə görüşəcək
-
Teatr işçiləri hicabdan imtina edib
“Şou bitəcək və həqiqət üzə çıxacaq”
-
Adı qalaya verilən sərkərdə
Milli qəhrəman Kazım Xan Quşçu kimdi?
-
Güneylə 90-cı illərin Quzeyi
Bugünkü müzakirə və gəlişmələr öz sözünü mütləq deyəcək
-
Güney Azərbaycanda fəlakət
Hirkan meşələri dördü gündür yanır
-
Prezidentdən mühüm mesajlar
Brüssel görüşündən imtina, İrana gözdağı, Zəngəzur dəhlizi ilə bağlı yekun fikir
-
O tayın və bu tayın lideri
İlham Əliyev Helmut Kolun yolunu gedir – hamını inandırmaq
-
Gərgin mərhələyə qədəm qoyuruq
“Güney azərbaycanlıların hüquqları məsələsi İranın daxili işidir” dövrü geridə qaldı
-
Güneydə ümummilli aksiya təyin olundu
21 Azər hərəkatına hazırlıq gedir
-
Pezeşkiyan rejimə səsləndi
Təbrizli millət vəkili etirazçıların səsini eşitməyə çağırdı
-
Təbrizdə dərman çatışmır
Xammal yoxdur, müəssisələr bağlanır, bahalaşma gözlənilir
-
AzTV aktivləşib
Dövlət televiziyasının sosial şəbəkələrdə paylaşımları və baxış sayı kəskin çoxalıb
-
“Bu qan yerdə qalmayacaq”
Təbrizi divarlarını qraffiti yazıları bürüdü
«İran parlamenti iqtisadi komissiyasının sözcüsü, Somesəra şəhərinin millət vəkili Kazım Delxoş Əbatəri Makı şəhərində türklərə qarşı yol verdiyi təhqiramiz ifadəyə görə üzr istəməlidir».
Bu barədə bir neçə azərbaycanlı millət vəkili açıqlama verib.
Güney Azərbaycanın Urmiyə şəhərinin İran parlamentindəki millət vəkili Ruhulla Həzrətpur Azərbaycana qarşı istənilən təhqirin qəbuledilməz olduğunu bildirib.
«Azərbaycan əhalisini heç kim təhqir edə bilməz. Düşünürəm ki, bu adam hətta zarafatla da olsa Azərbaycanın mədəni əhalisini təhqir etmə hüququna malik deyil. Əgər Azərbaycan gəncləri olmasaydı, o adam da bugünki vəzifəsində olmazdı. Millət vəkili dərhal Azərbaycan əhalisindən üzr istəməlidir», - deyə R.Həzrətpur vurğulayıb.
Zəncanın millət vəkili Əli Vəqfçi də türklərin təhqir edilməsi faktına öz etirazını bildirib.
«Cənab Delxoşun mövqeyi və sözlərinə diqqət etsəniz görərsiz ki, ölçülü hərəkət etməyib. Kimsə təhqiramiz ədəbiyyatla danışa bilməz, belə bir şəxs təbii ki, ittihamlara məruz qalacaqdır. Təhqiramiz ifadənin yer aldığı videonun yayılması da qətiyyən düzgün deyil. Yaxşı olar ki, bu barədə cənab Nadir Qazipurla danışasınız. O, Somesəranın millət vəkili ilə yaxın dostdur, onu islah edə bilər»- deyə millət vəkili qeyd edib.
Urmiyanın millət vəkili Nadir Qazipur isə bu dəfə gözlənilməz mövqe sərgiləyərək dostu Kazım Delxoş Əbatərinin türklərə qarşı işlətdiyi ifadəni «təhqir» olduğunu qəbul etməyib.
«Cənab Delxoş mənim dostumdur. O bölgənin problemlərini həll etmək məqsədi ilə Bazirqana gedib və orada deyib ki, «bunlar təhlükəli insanlardır, adamı döyərlər». Düşünürəm ki, bu ifadə təhqir sayılmamalıdır», - deyə N.Qazipur bildirib.
Urmiya şəhərinin İran parlamentindəki digər millət vəkili Hadi Bahaduri də türklərin təhqir edilməsi faktına sərt reaksiya verərək Kazım Delxoşun üzr istəməsini tələb edib.
«Bu, tüqrklərə qarşı açıq-aşkar təhqirdir, zarafat kimi olsa belə, yenə də qəbuledilməzdir. «Bunlar türkdür, heç nə anlamazlar» ifadəsi istənilən halda təhqirdir, ona görə də Somesəranın millət vəkili dərhal üzr istəməlidir», - deyə Hadi Bahaduri vurğulayıb.
Millət vəkili həmçinin Teleqram kanalında videonun yayılmasından ciddi narahatlığını dilə gətirib. «Təhqiramiz ifadənin olduğu videonun sosial şəbəkədə yayılması məsələni daha da qəlizləşdirib. Bu, təhqir məsələsi üzərindən qəbahəti götürmək məqsədi güdüb», - deyə o vurğulayıb.
Qeyd edək ki, Somesəra şəhərinin İran parlamentindəki millət vəkili və Parlamentin İqtisadi Komissiyasının sözcüsü Kazım Delxoş Əbatəri, Bazirqan Gömrüyünə baxış keçirmək məqsədi ilə Güney Azərbaycanın Makı şəhərinə səfər edib. O səfər çərçivəsində keçirdiyi görüşlər zamanı türklərə qarşı təhqirə yol verib. Millət vəkilinin çıxışı onun Teleqram kanalında video şəkilində yayılıb. O «bunlar türkdür, heç nə anlamazlar!» ifadəsini işlədərək türkləri təhqir etməyə çalışıb. Video qısa müddət sonra Teleqram kanalından götürülüb.
Xatırladaq ki, İranda türk millətinin təhqir olunması ilk dəfə deyil. 2006-cı ildə İran qəzetində türklər hamam böcəyinə bənzədilmişdi, 2015-ci ildə İran televiziyasının 2-ci kanalında yayımlanan «Fitilə» adlı televiziya komediyasında diş fırçası ilə tualet fırçası arasındakı fərqi bilməyən, dişlərini tualet fırçası ilə fırçaladığı üçün ağzı qoxuyan bir türk uşağı təsvir edilmişdir. 2016-cı ildə Şərqi Azərbaycanda nəşr olunan dövlət qəzeti «Tərh-i No», türklərə qarşı təhqiramiz yazı dərc edərək onları bədbəxt, irqi pis və s. kimi sözlərlə təqdim etmişdir. Türklərin kütləvi informasiya vasitələri, rəsmi şəxslər və televiziyalarda kobud şəkildə təhqir edilməsi dəfələrlə azərbaycanlıların kütləvi etirazına səbəb olub, etiraz aksiyalarında onlarla insan öldürülüb, çox sayda etirazçı həbs olunub.