Feminist fəal məhkəmə dosyesi ilə bağlı son məlumatı öz «İnstagram» səhifəsində açıqlayıb.
Qarabaği keçən iyul ayının 17-də İranın təhlükəsizlik qüvvələri tərəfindən nəzarət altına alınıb və ETTELAAT həbsxanasında sorğu-suala çəkildikdən sonra ertəsi gün sərbəst buraxılıb.
80 milyon tümənlik (təxminən 25 min dollar) zəmanət qarşılığında müvəqqəti azadlıqda olan fəalın məhkəmə prosesi davam edəcək.
Səfiyə Qarabaği qadın hüquqları, qadına qarşı zorakılıq, İran qanunlarında gender bərabərsizliyinə zəmin yaradan məqamlar, erkən yaşda evləndirilən qız uşaqları, habelə türk dil hüquqlarına dair yazılar yayımlayıb və toplumda maarifləndirmə fəaliyyətləri göstərməkdədir.