İstanbulda bir canlı bomba şübhəlisi polisə gətirildiyi zaman, bıçaqla bir polisi yaraladıqdan sonra hadisə yerində öldürülüb. Sinan Acar adlı polis məmuru xəstəxanaya aparılsa da, vəfat edib.Doğan İnformasiya Agentliyi (DİA) bıçağın, özünü İraq-Şam İslam Dövləti (İŞİD) adlandıran qruplaşmaya aid olduğu deyilən şübhəlinin üzərində tapıldığını iddia edib.
Anadolu Agentliyi (AA) canlı bomba olduğundan şübhələnilən şəxsin keçirilən bir İD əməliyyatı zamanı yaxalandığını bildirib.
Məlumata görə, hadisə şübhəlinin Vətən küçəsində yerləşən İstanbul Polis İdarəsinə gətirildiyi zaman baş verib.
DİA Bakı vaxtilə saat 23:45-də baş verən hadisədən sonra Fateh və Aksaray rayonlarında əməliyyatlar keçirildiyini bildirib.
Bombalı aksiya hazırlığı etdiyi deyilən şübhəlinin yaşı və ya kimliyi ilə bağlı bir açıqlama verilməyib.
Prokuror Polis İdarəsi qarşısında baş verən hadisə ilə bağlı istintaqa başlayıb.
çap et