Belarus prezidenti Aleksandr Lukaşenko ölkənin Qomel vilayətinə səfəri zamanı etdiyi çıxışında bildirib ki, onun ölüm hökmünün saxlanılması barədə xalqın qəbul etdiyi qərarı dəyişməyə ixtiyarı yoxdur.Virtualaz.org Belarus prezidentinin rəsmi saytında yerləşdirilmiş məlumata istinadən xəbər verir ki, Lukaşenko çıxışında bildirib: «Mən təkbaşına xalqın verdiyi qərarı dəyişə bilmərəm».
Qeyd edək ki, 1996-cı ildə Belarusda ölüm hökmünün saxlanıb-saxlanmaması barədə referendum keçirilib. O vaxt vətəndaşların 80 faizdən çoxu ölüm hökmünün qalmasına səs verib. Ölüm hökmü Belarusda müstəsna hallarda – xüsusilə ağır cinayətlərə görə tətbiq edilir. 2016-cı ildə bu cəza növü dörd dəfə icra olunub.
çap et