2017-ci ildə Azərbaycan Ukraynaya 376,877 milyon dollarlıq neft ixrac edib. Ukrayna KİV-ləri xəbər verir ki, ötən il Ukrayna ümumilikdə 442,219 milyon dollarlıq 1 milyon ton neft idxal edib.Bu idxalın 376,877 milyon dolları Azərbaycan, 37,707 milyon dolları İran, 17,504 milyon dolları Qazaxıstan, 10,131 milyon dolları isə digər ölkələrin payına düşür. Bildirilir ki, Ukraynanın 2017-ci ilin dekabrında idxal etdiyi neftin böyük hissəsi - 43,510 milyon dolları Azərbaycanın payına düşür.
Qeyd edək ki, 2016-cı ilin sonunda «Ukrtransneft» və «Ukrtatnafta» şirkətləri arasında «Azərlayt» markalı neftin 2017-ci ilin əvvəlindən «Şimal» (Odessa) terminalından «Kremençuqskiy» neft emalı zavoduna nəqli ilə razılıq əldə olunub. 2017-ci ilin martın 10-dan isə Azərbaycan neftinin «Şimal» (Odessa) terminalından «Kremençuqskiy» neft emalı zavoduna nəqlinə başlanılıb.
çap et