Neft qiymətləri ABŞ dollarının mühüm valyutalar qarşısında bir qədər zəifləməsi ilə əlaqədar olaraq kəskin ucuzlaşmanın ardından yüksəlib.Dolların ucuzlaşması bu valyuta ilə satılan əmtəələrin bahalaşmasına səbəb olur.
Bakı vaxtı ilə saat 08:30-a olan məlumata görə, Qərbi Texas nefti 62,39 dollardan, «Brent» nefti 65,42 dollardan alıcı tapıb. «Brent» nefti 0,9 faiz bahalaşıb.
Eyni zamanda ABŞ-da qazılan neft quyularının sayı 2018-ci ilin əvvəlindən bu yana 52 ədəd artıb. Lakin bu say ötən ilin eyni dövrü ilə müqayisədə 72 ədəd azdır.
Dünya bazarlarında Azərbaycan nefti də bahalaşıb - 1 barelin qiyməti 0,94 dollar və yaxud 1,44 faiz artıb. «Azeri Light»ın qiyməti 66,21 dollar olub.
çap et