ABŞ Xəzinə Nazirliyi, Rusiyaya qarşı sanksiyaların dairəsinə 3 nəfər və 5 şirkəti də əlavə edib. Nazirliyin veb saytından verilən məlumata görə, Liviyadakı 5 nəfər də eyni kontekstdə sanksiyaya daxil edilib.
“Reuters”də yer alan xəbərə görə, sanksiya qərarı kiber hücumlar ilə əlaqədar olaraq tətbiq edilir.
Sanksiya tətbiq olunan təşkilatlar: “Digital Security”, “ERPScan”, “Embedi”, “Kvant Scientific Research Institute” (Kvant Elmi Tədqiqat İnstitutu), “Divetechnoservices”.
Sanksiya tətbiq edilən şəxslər: Aleksandr Lvoviç Tribun, Oleq Sergeyeviç Çirikov və Vladimir Yakovleviç Kaganskiy. Bu şəxslərin “Divetechnoservices” şirkəti ilə əlaqələri var.
Nazirlik sanksiya tətbiq olunan bu qurumların Rusiya Federal Təhlükəsizlik Xidmətinə dəstək verdiyini açıqlayıb.