Vaxt.Az

Separda öldürülən separatçı


 

Zaxarçenkonun məhvindəki gizlinlər

Separda öldürülən separatçı Donetsk separatçılarının lideri Aleksandr Zaxarçenko bu gün yemək yediyi restoranın partladılması nəticəsində ölüb. Partlayışın baş verdiyi restoranın adı da maraqlıdır: Separ.

Ukrayna kəşfiyyatı Zaxarçenkonu çoxdan izləyirdi. Ümumiyyətlə, indiyədək Donbassdakı qanunsuz silahlı birləşmələrin məşhur komandirlərinin əksəriyyəti aradan götürülüb. Separatçıların nəzarətindəki ərazilərdə Ukrayna dövlətinə sadiq xeyli adam, o cümlədən keçmiş hüquq-mühafizə orqanları əməkdaşları qalıb. Böyük ehtimalla Ukrayna dövlətinin müvafiq qurumları kəşfiyyat-diversiya əməliyyatlarında onlardan yararlanır.

Başqa bir versiya da var ki, Moskva Qərblə anlaşaraq Donbass problemini həll etmək istədiyi üçün sülhə mane ola biləcək odioz fiqurları aradan götürür.

İstənilən halda, müsbət hadisədir.

P.S. Separatçıların “vergilər naziri” Aleksandr Timofeyev isə olay nəticəsində yaralanıb.

 





31.08.2018    çap et  çap et