İran Sənəd və Mülkiyyətin Qeydiyyat Təşkilatı klubu “Azərbaycanın Traktor mədəni və idman klubu” adı ilə rəsmən qeydiyyata alıb. Buna baxmayaraq farsdilli mətbuat orqanları komandanın “Traktor” adı ilə super liqa yarışlarına qatılacağını bildirir. Komandanın rəsmi adında “Azərbaycan” sözünün hallanması hər zaman reaksiyalara səbəb olub. İran rejimi heç bir komandanın adında “Azərbaycan” sözünün olmasına imkan vermir.
“Traxtur” (“Traktor”) klubunun isə bütün azərbaycanlılara aid olduğu kimsədə şübhə doğurmur. Azərbaycanlılar onu istənilən rəqib komandanın qarşısında və bütün meydanlarda dəstəkləyir, bu istiqamətdə əllərindən gələni edirlər. Bu komanda türk dünyasında da ən çox tərəfdarı olan komandası kimi tanınır.