Türkiyə milli müdafiə naziri Hulusi Akar ABŞ müdafiə naziri Mark Esper ilə telefonla danışıb.Milli Müdafiə Nazirliyinin yaydığı açıqlamada Türkiyənin PKK/YPG ilə bağlı ABŞ qarşısında konkret tələblərlə çıxış etdiyi bildirilib.
“Nazir Akar tərəfindən həyata keçirilən telefon danışığında ABŞ-dan terror təşkilatı PKK/YPG-yə dəstəyini tamamilə dayandırması tələb edilib. Türkiyənin cənubunda terror dəhlizinin qurulmasına icazə verməyəcəyimizi bildirdik.
Türkiyənin yalnız öz ölkəsi və millətinin təhlükəsizlik , etibarlılığını deyil, eyni zamanda bölgədə yaşayan kürdlər, ərəblər, asurilər, xristianlar və yezidilər kimi digər dini və etnik qrupların da təhlükəsizlik və etibarlılığını qorumaq istədiyi ifadə edilib. Suriyanın şimalında yaradılması planlaşdırılan təhlükəsiz bölgəyə dair tələblərimizi irəli sürdük. Türkiyənin təhlükəsiz bölgədə nəzarəti təmin edə biləcək tək güc olduğunu bildirdik. Həmin bölgədə olan PKK/YPG-nin bütün silahlarının toplanmasını tələb etdik. PKK/YPG-nin həmin bölgədən çıxarılması da tələblərimiz arasındadır. PKK/YPG-nin bölgədəki bütün tunelləri və mövqelərinin məhv edilməsini istədik. Bütün bu işlərin ABŞ ilə koordinasiyalı şəkildə Türkiyə tərəfindən həyata keçirilməsi tələb edildi.
Cənab prezidentimiz Ərdoğanın 26 iyul 2019-cu il tarixində ifadə etdiyi kimi, ABŞ ilə ortaq bir nöqtəyə gələ bilməsək, təhlükəsiz bölgəni formalaşdırmaq üçün təkbaşına əməliyyat keçirmək məcburiyyətində qalacağımızı acıq şəkildə ifadə etdik" - Milli Müdafiə Nazirliyinin açıqlamasında belə deyilir. (avropa.info)
çap et