Vaxt.Az

ABŞ-dan Rusiyaya təzyiq artır


 

Vaşinqton Moskvanın Abxaziya və Cənubi Osetiyadakı hərəkətlərini pisləyib

ABŞ-dan Rusiyaya təzyiq artır ABŞ Konqresi Gürcüstanın ərazi bütövlüyünü dəstəkləyən qətnaməni təsdiq edib. Gürcüstan mətbuatı yazır ki, qətnamənin təsdiqinin lehinə 410, əleyhinə isə 6 səs verilib. Sənədə əsasən, ABŞ heç bir halda Gürcüstanın hər hansı bir hissəsinə Rusiyanın de-fakto nəzarətini tanımır.

Qətnamə Rusiyanın Gürcüstana hərbi müdaxiləsini və onun ərazilərinin işğalını və eyni zamanda işğal xətti boyunca Rusiyanın qanunsuz hərəkətlərini pisləyir.

Qətnamə, həmçinin Rusiyanı Gürcüstan əraziləri olan Abxaziya bölgəsi və Sxinvali rayonunun «müstəqilliyi»ni tanımaqdan və bölgədə yürütdüyü siyasətdən imtina etməyə çağırıb.

Sənəddə konqresmenlər Amerikanın Gürcüstanla müdafiə və təhlükəsizlik sahələrində sıx əməkdaşlıq etməsinin vacibliyini qeyd ediblər.

 





03.03.2017    çap et  çap et