vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
GÜNDƏM  
00:40 | 28 iyul 2017 | Cümə Məqaləyə 1852 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Qara siyahı»ya düşənin qara bəxti

Qarabağa qanunsuz səfər edən rus siyasətçisini öldürmək istədilər?

MÖVZU İLƏ ƏLAQƏLİ

Yazıçı, rəsmi qeydiyyatdan keçməmiş «Başqa Rusiya» partiyasının lideri Eduard Limonov, hansı ki, işğal edilmiş ərazilərə qanunsuz baş çəkdiyi üçün adı Azərbaycan Xarici İşlər Nazirliyinin «qara siyahı»sına daxil edilib, Moskva prokurorluğuna müraciət edib ki, onun həyatına sui-qəsdlə bağlı cinayət işi qaldırsınlar.

Virtualaz.org bildirir ki, Rusiya siyasətçisi bu barədə özünün «LiveJournal»dakı bloqunda yazıb.

Ərizə prokuror Vladimir Çurikovun adına yazılıb. Limonov bildirib ki, bunu iyulun 26-da edib.

Yazıçının sözlərinə görə, onun maşınında tormozlar qəsdən sıradan çıxarılıb. 

«Tormoz şlanqı mexaniki təsir nəticəsində yarılmışdı. Qəza təxribatı təşkil olunmuşdu, yaxşı ki, sürücü yüksək sürətlə getmirdi», - deyə Limonov fikrini bölüşüb.

«3 iyulda bizim böyük, yaxşı qalmış avtomobilimizin sürücüsü, necə deyərlər, oturduğu yerdə qəribə qəzaya düşdü. Elə qəzaya ki, artıq maşın yerindən tərpənmir. Hətta motoru da kapotdan çıxara bilmirlər», - Limonov vurğulayıb. 

Limonovun hesablamalarına görə, bu bir neçə ay ərzində artıq «üçüncü qəribə yol-nəqliyyat hadisəsidir».

Limonov bildirib ki, onun Ukrayna, Azərbaycan və Xorvatiyada çoxlu düşmənləri var və bu olayları «öz həyatına sui-qəsd» hesab edir.

«Hamıya məlumdur ki, məni televiziyaya və mitinqlərə bu maşınla aparırlar. Amma düşünmürəm ki, bu xüsusi xidmət orqanlarının işidir», - Limonov əlavə edib.

Xatırladaq ki, Limonovun adı işğal edilmiş Qarabağa qanunsuz səfər etdiyi üçün 8 iyun 2017-ci ildə Azərbaycan Xarici İşlər Nazirliyinin «qara siyahı»sına salınıb. 

Analoji siyahı Ukraynada da mövcuddur. Ona Kiyevin icazəsi olmadan Krıma baş çəkənlərin adları salınır. Xatırladaq ki, Ukrayna Krımı, 2014-cü ilin yazında Rusiyaya birləşdiriləndən sonra, özünün müvəqqəti işğal edilmiş ərazisi hesab edir. Ukrayna 2015-ci ildə Limonovun kitablarının ölkəyə gətirilməsinə də qadağa qoyub.