vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
ELM-TEXNİKA  
13:41 | 10 fevral 2015 | Çərşənbə axşamı Məqaləyə 2085 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Samsung»un «Oğru» Smartları!

Televizorlar sahiblərinin sirrini kənara ötürür

MÖVZU İLƏ ƏLAQƏLİ

«Samsung» şirkətinin «ağıllı» (smart) televizorları istifadəçilərin məxfi məlumatlarını kənar təşkilatlara ötürür. Bu barədə istehsalçının özü səs tanıtma funksiyası olan televizorlar barədə danışarkən bildirib.

Maraqlıdır ki, «Samsung»un «ağıllı» televizorlarının istifadəsi ilə bağlı təlimatda da məlumatların üçüncü şəxsə ötürülməsinin mümkünlüyü barədə xəbərdarlıq yer alır. Buna görə də şirkət müştərilərinə məsləhət görür ki, televizorlarının yanında şəxsi sirlər barədə danışmasınlar.

Şirkətin məxfilik siyasətini təsvir edən sənəddə deyilir: «Cihazınız (televizorunuz) sizə səs tanıma funksiyalarını yerinə yetirmək və cihazları qiymətləndirmək və işini yaxşılaşdırmaq məqsədilə, sizin səs komandalarınızı və müvafiq mətn məlumatlarını qeyd edə, «Samsung» şirkəti isə bu məlumatları yığa bilər. Nəzərinizdə saxlayın ki, əgər sizin danışdıqlarınız məxfi xarakter daşıyırsa, bu məlumatlar da şirkətə ötürülən məlumatlar sırasına daxil olacaq».

Xəbərdarlıq yalnız səsli idarəetmə funksiyasına malik televizorlara aiddir.

«Samsung Electronics» şirkətindən «TechCrunch» nəşrinə verilən açıqlamada şirkət əmin edir ki, televizor istehsalında məlumatların qorunmasına dair standartlara əməl olunur, məlumatlar isə serverə şifrələnmiş formada daxil olur. Üstəlik istehsalçı qeyd edib ki, arzu olunarsa, səs komandalarının yazılması funksiyasını söndürmək olar.

Bundan əlavə, televizorlar quraşdırılmış kamera və mikrofonlar vasitəsilə də sahiblərini izləyə bilər.

Televizorlarda məxfi məlumatların toplanması ilə bağlı məsələ əvvəllər də LG televizorlarında qaldırılmışdı.