Düşmən sürünür
Son 10 gündə Azərbaycanın Ermənistana vurduğu zərbə...
Natavan ÇAVUŞ
MÖVZU İLƏ ƏLAQƏLİ
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Pis deyil, Pive ilə gedər...
... Yaxud “Nansy” arasında bağlılıq
-
“Ermənistan mövcud olmayacaq”
“Qoruyucu mələklər”i bədxah qonşularımızdan üz çevirməyə başlayır
-
Avropa Ermənistanı tək buraxır
Sülhməramlılar isə Moskvadan göstəriş gözləyir
-
Köpək siyasəti...
Rusiya ilə separatçılar sinxron hərəkət edir
-
Allahsızlığın iki növü...
Cəllad Miloşeviç cəzasını verənlər Xameneyiyə göz yumur ...
-
İranın Ermənistan planı
Tehran Avrasiya İqtisadi İttifaqına bazarlarına çıxış əldə etmək istəyir
-
“Film”in sonu...
Fransa bizim üçün tam şəkildə itirildi
-
Seçim də Paşinyanındır, məsuliyyət də
Qərb isə ilin sonuna qədər sülh müqaviləsi istəyir
-
Ölünün qıdığı gəlməz ...
İrəvan Minsk Qrupunu diriltməyə çalışır, Moskva separat oyuncağı ...
-
Makronun “erməni məhəbbəti” ...
... iki qitənin həyati əhəmiyyətli layihəsinin təkərinə çomaq soxur
-
Parisin Qafqazdakı son durağı
Fransanın kasıb və balaca Ermənistan başqa söykənəcəyi başqa bir ölkə yoxdur
-
İrəvanın qara günləri qarşıda
Zəngəzur dəhlizi məsələsində Azərbaycan-Rusiya razılaşması
-
... İrəvandan İrana təşəkkür
Anti-Azərbaycan mövqeyinə görə ...
-
İrəvan danışıqları sabotaj edir
Paşinyanın tələbi Kremlin maraqlarına xidmət edir
-
KTMT-də növbəti fiasko
İrəvan növbəti il əl-qolu bağlı qalacaq
Düşmən atəşkəsi pozaraq yenə də özünə zərər verməkdədir. Cəbhə xəttindəki gərginlik artıq bir həftədən çoxdur ki, davam edir.
Ötən həftə Ermənistan Silahlı Qüvvələrinin təxribatlarına cavab olaraq, Silahlı Qüvvələrimizin bölmələri bütün cəbhəboyu zonada düşmənin atəş nöqtələrinə, mövqelərinə və səngərlərinə davamlı zərbələr endirib. Bir neçə gün davam edən hücumda erməni tərəfi ağır itkilərə məruz qalıb. Onlarla itki verən düşmən qüvvələri bir tərəfdən itki sayını gizlətməyə çalışır, digər tərəfdən də təmas xəttinə yaxın ərazilərdə yerləşən kəndlərimizi və dinc sakinlərimizi atəşə tutmağa davam edir.
Azərbaycan hərbi qüvvələrinin qarşısında tab gətirməyən düşmən tərəf «oyun çıxarır»
Silahlı Qüvvələrimizin qəti və adekvat tədbirləri nəticəsində Ermənistanın hərbi-siyasi rəhbərliyi cəbhədə uğursuzluğa düçar olmaqdadır.
Ötən həftə Müdafiə Nazirliyindən kəndlərimizin və dinc sakinlərin düşmən tərəfindən atəşə tutulması dərhal dayandırılmayacağı təqdirdə Silahlı Qüvvələrimiz silahlanmada olan istənilən atəş sistemlərindən istifadə etməklə düşməni məhv ediləcəyi bildirildi.
Bundan qorxuya düşən Ermənistan rəhbərliyi, guya, hərbi təlimlərin keçirilməsi adı altında sərhədboyu zonada yerləşən 20-dək yaşayış məntəqəsindən kənd sakinlərini təxliyə etməyə başladı. Məqsəd isə əhalisinin qayğısına qalmaq yox, Azərbaycanın, guya Ermənistan torpaqlarına işğalçı siyasət yeritdiyini dünyaya çatdırmaqdan ibarətdir. Digər tərəfdən ölkə daxilidə narazılıqların və ixtişaşların baş qaldırdığı bir vaxta bu cür siyasət yeridərək xalqının diqqətini yayındırmaq özü də «tülkü» hiyləgərliyinin bir parçasıdır.
Bir həftədə 1.017 atəş zərbəsi
Bir yandan Azərbaycan Silahlı Qüvvələrinin düşmənə endirəcəyi daha ağır zərbələrin gücündən ehtiyatlanan, digər tərəfdən də öz məkrli siyasətini həyata keçirməkdə davam edən düşmən ard-arda uğursuzluğa düçar oldu. Təkcə sentyabr ayını götürsək cəmi 10 gün ərzində düşmən qüvvələrinin verdiyi itkilərin xəbəri Ermənistan mətbuatına bomba kimi düşdü.
Ötən həftə təmas xəttində bir neçə yerdə mövqelərimizə basqın etməyə cəhd göstərən Ermənistan silahlı qüvvələrinin kəşfiyyat-təxribat qrupları məhv edildi. Əməliyyat zamanı düşmənin diversiya qrupunun 2 üzvü öldürüldü. Ağır itkilər verən düşmən qüvvələri avtomat və silahların darağını ataraq geri çəkildilər. Təkcə son bir həftə ərzində düşmən xeyli sayda itki verib. Hazırda cəbhəboyu zonada vəziyyət gərgin olaraq qalmaqdadır.
Düşmənə qarşı güc tətbiq etməklə görülən adekvat tədbirlər nəticəsində son bir həftə ərzində müxtəlif istiqamətlərdə Ermənistan silahlı qüvvələrinin 7 nəfər hərbi qulluqçusu məhv edildi və xeyli sayda yaralısı ilə düşmən susturuldu.
Ermənistan kəşfiyyatçı dəstəsinin Yezid Həsən ləqəbli tağım komandiri və zabiti məhv edildi.
Adətən çəlimsiz əsgərlərini güllə önünə atan düşmən ordusunun budəfəki geniş çaplı kəşfiyyat planı uğursuzluğa düçar oldu. Hər zaman olduğu kimi.
Ermənistan son 10 gündə iyirmidən çox itki verib və çox sayda yaralı var.
Qeyd edək ki, Cəbhə xəttində gərginlik davam edir. Silahlı Qüvvələrimizin bölmələri bütün cəbhə boyu əməliyyat şəraitinə tam nəzarət edir.