09:54 | 7 iyul 2013 | Bazar
Məqaləyə 3650 dəfə baxılıb
Şriftin ölçüsü
«Avropada qalmağa, yoxsa gəzməyə?»
Etibar CƏBRAYIL
MÖVZU İLƏ ƏLAQƏLİ
-
44 rəqəmi qadağan olundu?
“Adidas” alternativ dizayn söz verib
-
VAR kimə var, kimə yox?
FİFA futbolu NBA-laşdırır
-
28 ildə haradan haraya
Yarıhəvəskar ağsaqqallardan gənc peşəkarlara
-
Futbol və siyasət
İldə 2 trilyon büdcəsi olan bazar nəyə qadir ola bilər
-
Mərc qurbanı olan sehr itir
Yaxud 50 dərəcə temperaturda “hazırlanan” ləzzət ...
-
“Tanrının Əli” rekord qiymətə satıldı ...
... 2 milyona
-
Rus dilində əruz vəznində
AZTV-də səslənən şeir kimin tərcüməsi olub?
-
Beşikdən məzara qədər oxunan Sabir
“Kim ki, insanı sevər, aşiqi-Hürriyyət olur, Bəli, hürriyyət olan yerdə də insanlıq olur”
-
Bığıburma “uşaqlar” ...
.. Yaxud ev üçün darıxırıq nağılları
-
Prezidentdən AFFA-ya tikanlı sözlər
“Bu günə qədər komanda idman növündə böyük uğurlara nail ola bilməmişik”
-
“Bu qələbəni özünüz qazanmısınız”
İlham Əliyev: “Sizin qələbəniz çox böyük qiymətə layiqdir”
-
BMT TŞ-yə beş qeyri-daimi üzv seçilib
Mozambik bu qurumda ölkə tarixində ilk dəfə yer alır
-
... “Bizim vaxtımızda” nağılı
“Biri vardı, bir yoxdu”suz başlayan ...
-
Vətənə və xalqa sonsuz sevgi örnəyi
“Ömür vəfa etsəydi, sümüklərimi də xalqımın yolunda qoyardım...”
-
“Azarkeşlərin isti qarşılanacaqlarına inanıram”
Britaniya səfiri Bakıda keçiriləcək Avropa Liqasının finalı haqda
-
“Bakıya uçuşlar ətraf mühitə zərər vuracaq”
İngiltərə KİV-i sayıqlamaları, Kloppun cahilliyi
Aradan neçə gün ötməsinə baxmayaraq, hələ də özümə gələ bilmirəm. Telekanalların birində göstərilən Malta mənzərələri gözümün önündən getmir. Qəribə bir təbiət mənzərəsi. Yaxınlıqda nə bir göydələn var, nə yeraltı, yerüstü keçid, nə bir körpü-filan. Uzanıb gedən çöldə avtomobil tıxacı da yoxdu. Tıxac hardan olsun, heç maşın görünür ki? Dahi Mirzə Ələkbər Sabir sanki elə maltalılardan yazıb.
Əcnəbi seyrə balonlarla çıxır,Biz hələ avtomobil minməyiriz...
Yazıq Malta camaatı görən necə yaşayır? Cırtdan ölkədə yaşamaq da bir şey deyilmiş. Politoloqlar elə ona görə yeri gələndə deyirlər ki, Çin ol, ABŞ ol, Rusiya ol, amma Malta olma.
O gün bu cırtdan ölkədə keçirilən Avroliqa oyunu barədə özüm yazmıram. Oyun oldu ki, yazım? Olmayan bir şey barədə yazmağı öyrənə bilməmişəm. Göydələnlər, körpülər, tunellər ölkəsindən gələn "Xəzər Lənkəran” bu, çölün düzündə mağmın-mağmın qalan Maltanın təqribən "Slima” adlı klubunu uda bilmədi.
"Xəzər Lənkəran” düşərgəsində çeşidli bəhanələr səslənməkdədi. Bizim belə bəhanələrə qarnımız toxdu. Ortabab oyun göstərə bilmirsənsə ya sus, ya da elə sus!
Təqribən "Slima” adlı komanda ilə cavab oyununa da bir şey qalmayıb. "Xəzər Lənkəran”a dəli kimi bağlandığımdan kluba bir yaxşılıq etmək fikrindəyəm. Qoy onlar cavab oyununa ciddi hazırlaşsınlar. Futbolçulara meydanda qaçmağı, topla ağıllıca davranmağı, düz-əməlli ötürmə verməyi, andıra qalmış qapıya tərəf zərbə vurmağı rahat öyrətsinlər. Canımın canı çıxar, bəhanələri mən düzüb-qoşaram.
Deməli belə, canım-gözüm azarkeşlər. Təxminən "Slima” adlı komanda ilə Maltadakı oyunda zəif təsir bağışlamağımızın səbəbləri bunlardı: Misirdə hərbi çevrilişin baş verməsi, İlhamə Quliyeva ilə Aygün Kazımovanın dalaşmasına millət vəkillərinin də qoşulması, Çində doğuşun artması, Obamanın qızlarının güllü don geymələri, Rusiya OMON-un bazarlara qəfil hücumu, İndoneziyada təbii fəlakət, Norveçdə ən uzun kilkə balığının ovlanması, Danimarkada dünyanın ən yaşlı adamının öskürməsi, Aktrisa Monika Belluccinin bədəninin hansı yerindəsə qəfil çıxan sızanaq, Hindistanda fillərin "Maral, Maral, eşqinə düşdüm, Maral” mahnısının ritmləri altında rəqs etməkdən imtinaları, Son günlər bütün dünyada təyyarələrin göylə uçması, gəmilərin üzməsi...
Deməli belə, canım-gözüm azarkeşlər. Belə bəhanələrdən o qədər bilirəm ki, yazmaqla bitməz. Amma və lakin, bilmədiyim bir şey var. "Xəzər Lənkəran” bu heyət və belə oyunla nə etmək istəyir? Avropaya gəzməyə gedirlər, yoxsa qrup mərhələsinə düşüb köhnə qitədə daha çox qalmaq fikirləri var....
