vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
TOP OYUNLARI  
17:07 | 21 noyabr 2016 | Bazar ertəsi Məqaləyə 2514 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Bütün səylərim faydasız oldu»

«Qalib olmaq istəməyənləri məcburən buna vadar etmək mümkün deyil»

MÖVZU İLƏ ƏLAQƏLİ

«Neftçi»nin Müşahidə Şurasının üzvü Bəhram Bağırzadə klubda tutduğu postdan istefa verib. Vaxt.az xəbər verir ki, Bağırzadə sosial şəbəkədəki hesabından istefasının səbəblərini belə açıqlayıb:

«Hörmətli azarkeşlər!

Özümü dərk etdiyim həyatım boyu «Neftçi» komandasının sadiq azarkeşi olmuşam. Bir neçə il əvvəl bu əfsanəvi komandanın Müşahidə Şurasının üzvlərindən biri olmaq şərəfinə layiq görüldüm. Bütün bu illər boyu şuranın bütün üzvləri «Neftçi» komandasının yenidən Azərbaycan futbolunun bir nömrəli komandası olması üçün nəhəng səylər göstərdilər. Mən öz vəzifələrim çərçivəsində daim müxtəlif kreativ layihələr fikirləşirdim və tətbiq etməyə çalışırdım ki, komandanın ictimai imici qalxsın və «Neftçi»nin azarkeşlərini yenidən stadionlara qaytarmağa kömək etsin. Lakin əfsuslar olsun ki, mənim bütün səylərim faydasız oldu, çünki onlar üçün gözəl şərait yaradılmış futbolçular «Netçi»nin yüksək adına uyğun olmaq istəmirlər! Mən özümü fəaliyyətimin bütün sahələrində uğurlu insan hiss edirəm. Lakin mənim uğurum bəxt və ya təsadüfi uğur deyil. Hər şeydən əvvəl bu, ağır, daimi, gündəlik zəhmətin bəhrəsidir, ona görə mən «Neftçi»nin çoxsaylı azarkeşlərinin gözlərində ləyaqətsiz görünmək və meydançada bir-birinin ardınca səbəbsiz yerə uduzan futbolçuların dəhşətli uğursuzluqlarına görə qızarmaq istəmirəm. Öz adımdan bütün azarkeşlərdən «Neftçi»nin oyunlarına görə aldıqları böyük məyusluq hisslərinə görə səmimi qəlbdən üzr istəyirəm. Qəti surətdə qalib olmaq istəməyənləri məcburən qalib olmağa vadar etmək mümkün deyil!

Hörmətli azarkeşlər, bu vəziyyətlə əlaqədar, mən istefa verirəm və »Neftçi»nin Müşahidə Şurasından gedirəm. Bu qərarı böyük ürək ağrısı ilə verdim, lakin hələ də ümid edirəm ki, mənim sevimli komandam nə vaxtsa layiqli yer tutacaq və bizim Vətənə çoxlu mükafat gətirəcək!!!

Hörmətlə, Bəhram Bağırzadə»

P.S.: Müraciət Azərbaycan və rus dillərində yayımlanıb.