vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
ELM-TƏHSİL, DİN  
17:41 | 16 yanvar 2017 | Bazar ertəsi Məqaləyə 1420 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Tələbələr başqa universitetlərə köçürüləcək»

Təhsil Nazirliyindən «Təfəkkür» universitetilə bağlı açıqlama

Namidə BİNGÖL

MÖVZU İLƏ ƏLAQƏLİ

Elm və Təhsil Mərkəzi «Təfəkkür» Universitetinin fəaliyyətinin dayandırılması barədə qərar qəbul edilib. Bu barədə Təhsil Nazirliyi rəsmi açıqlama yayıb.

«Təfəkkür» Universiteti isə Təhsil Nazirliyi tərəfindən fəaliyyətinin dayandırılmasını inkar edib. Universitetin mətbuat xidmətinin rəhbəri Asif Quliyev Modern.az-a açıqlamasında belə bir xəbərin doğru olmadığını deyib.

«Təfəkkür» Universitetinin fəaliyyəti dayandırılmayıb. Bizə bu barədə heç bir bildiriş gəlməyib. Məlumat yanlışdır. Universitetin rektor əvəzini icra edən Rahim Hüseynov hal-hazırda yas yerindədir. Belə bir məlumatdan da xəbəri yoxdur».

Təhsil Nazirliyinin mətbuat xidmətinin rəhbəri Cəsarət Valehov isə Modern.az-a açıqlamasında universitet rəhbərliyinin inkar xəbərinə belə aydınlıq gətirib.

«Ötən ilin oktyabr ayından etibarən «Təfəkkür» Universitetinin Təsisçilər Şurası maliyyə vəziyyətində yaranmış problemlə əlaqədar universitetin fəaliyyətinin dayandırılması barədə Təhsil Nazirliyinə müraciət edib.

Universitetin fəaliyyətini biz dayandırmamışıq. Onların öz Təsisçilər Şurası dayandırıb.

Rəsmi məlumatda bu, açıq şəkildə qeyd olunur. Təhsil Nazirliyi müraciəti, universitetin 5 illik akkreditasiya müddətinin 2016-cı ildə bitdiyini, eyni zamanda, akkreditasiyadan keçirilməməsini nəzərə alaraq 2017-2018-ci il tədris ili üçün tələbə qəbulunun proqnozlaşdırılmamasını və tələbə kontingentinin digər ali təhsil müəssisələrinə yerləşdirilməsini təşkil etmək məqsədilə İşçi qrupunun yaradılması barədə qərar qəbul edib.

Təhsil Nazirliyinin mövqeyi və məqsədi budur ki, orada təhsil alan tələbələrin hüquqları qorunsun və mənafeyi təmin olunsun.

Universitet tələbələrinin təhsillərinin davam etdirilməsi üçün, tələbələrə ixtisasları, habelə qəbul imtahanlarında topladıqları balları nəzərə alınmaqla müvafiq ali təhsil müəssisələrində maneəsiz yerləşdirilməsi üçün lazımi şərait yaradılacaq. Eyni zamanda köçürüləcək universitetlərdə onlar üçün təhsil haqqının artımına yol verilməyəcək».