vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
AVROPA  
15:49 | 11 mart 2017 | Şənbə Məqaləyə 2724 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Avrointeqrasiyanın faydası

AHİM «Qafqaz tülküsü»nün arzusunu gözündə qoydu

Şahin CƏFƏRLİ

MÖVZU İLƏ ƏLAQƏLİ

Gürcüstanda yarımdemokratik-yarımavtoritar rejim qurmaq istəyən «Qafqaz tülküsü» Bidzina İvanişvili ötən həftə Avropadan tərs sillə yedi.

İvanişvili ötən ildən bəri müxalifyönlü «Rustavi-2»nin əvvəlki sahibini ortalığa salıb, onun əli ilə kanalı hazırkı kollektivin əlindən almaq istəyirdi. Nəhayət, martın 2-də Ali Məhkəmə bu barədə yekun qərar çıxardı və telekanalı əvvəlki sahibi Kibar Xalvaşiyə qaytardı. Bundan sonra baş verənlər maraqlıdır.

Cümə günü, martın 3-də «Rustavi-2» Ali Məhkəmənin qərarı ilə bağlı Avropa İnsan Haqları Məhkəməsinə (AİHM) şikayət etdi. Müraciətdən cəmi bir neçə saat sonra - elə həmin gün axşam saatlarında AİHM-dəki növbətçi hakim prioritet qaydada şikayətə baxaraq Gürcüstan Ali Məhkəməsinin qərarının icrasını müvəqqəti dayandırdı. (AİHM-in belə bir səlahiyyəti də var imiş.) Bu qərar Tiflisdə şok effektinə səbəb oldu, heç «Rustavi-2»nin vəkilləri də belə bir qərar və bu cür ildırım sürətli reaksiya gözləmirdilər. Martın 7-də isə AİHM hakimlər kollegiyası yığışıb yekdilliklə qərar verdi ki, «Rustavi-2»nin şikayətinə mahiyyəti üzrə baxılıb, yekun qərar verilənədək Gürcüstan Ali Məhkəməsinin qərarı icra oluna və telekanalın hazırkı redaksiya siyasəti dəyişdirilə bilməz.

Bu qərar Gürcüstanda demokratikləşmənin dönməz xarakter alması baxımından tarixi əhəmiyyətlidir. Eyni zamanda, avrointeqrasiyanın ölkələrə heç nə vermədiyi barədə Rusiyanın və onun təsiri altında olanların apardığı təbliğata da yaxşı cavabdır.

Martın 28-də Gürcüstan vətəndaşlarının Avropaya (Şengen zonasına) vizasız gediş-gəlişi başlayır. AİHM-in qərarı Gürcüstanı idarə edənlərə, gürcü siyasətçilərə mesajdır ki, özünüzü yığışdırın, daha əvvəlki fırıldaqlar keçməyəcək. Artıq hökumət AİHM-in qərarına əməl edəcəyini açıqlayıb.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)