17:00 | 20 noyabr 2013 | Çərşənbə
Məqaləyə 3165 dəfə baxılıb
Şriftin ölçüsü
Ziya Məmmədov Rusiyadan «küsüb»
Moskvadakı mənbə: «Azərbaycan tərəfi dəmir yol qatarlarının yenilənməsi layihəsində «Vneştorqbank»la kredit danışıqlarını dayandırıb»
Virtualaz.org
MÖVZU İLƏ ƏLAQƏLİ
-
“Səs Fərhad Əhmədovundur”
Biznesmenin köməkçisi hər şeyi danışdı
-
15 milyon tondan 25-ə çatdırmaq
İlham Əliyev: “Bəzi günlərdə limanda tıxaclar yaranır”
-
Rusiya Bakıda verdiyi sözü 3 gün sonra pozdu
Qarabağda müharibə başlayır?
-
10858 min ton...
Birinci rübdə TRACECA ilə yükdaşımalar 6,7 faiz artıb
-
Yeni yollara ehtiyac var
Paşinyan tək Azərbaycanla yox, həm də AB və Çinlə üz-üzə qalır
-
Putinin ciddi problemləri
Postsovet məkanındakı canlanma nələrə işarədir?
-
Naxçıvan BTQ-yə qoşulur
Muxtar bölgənin blokadadan çıxması Ermənistanın planları alt-üst edəcək
-
Üç Vladimirin davası
Doğrudanmı Zelenskinin bu qələbəsi də təsadüfdür?...
-
İldırımsürətli savaş planı
Türkiyədəki azərbaycanlı politoloqdan sensasion təklif: “Ermənistan, faktiki, müttəfiqsiz qalıb...”
-
“Böyük biabırçılıqdır”
Rusiyadan Putinin “Rustavi 2” telekanalında təhqir edilməsinə reaksiya
-
Müraciətin gücü
Saakaşvilinin çağırışı gürcü polisini hərəkətləndirdi
-
“Bakı-Tiflis-Qars”ın cazibəsi
Dünyanın ən uzun dəmiryolu Azərbaycandan keçə bilər
-
“Bir kəmər, bir yol”un Azərbaycan hissəsi..
Dünyanın əməkdaşlıq xəritəsini dəyişəcək güc
-
“Azərbaycana verməyə hazırlaşmırıq”
Çavuşoğludan “S-400” açıqlaması ...
-
ABŞ-da məhşər günü
Tramp Putinə işləyir, ya yox?
-
Separatizmə dəstəyə yox!
Rusiya Azərbaycanla hansı sazişi imzalamaqdan çəkinir?
Rusiyanın «Azərbaycan Dəmir Yolları» Qapalı Səhmdar Cəmiyyəti vasitəsilə Azərbaycan bazarına çıxmaq səyləri nəticəsiz qalıb. ABC agentliyi xəbər verir ki, Rusiyanın Azərbaycan dəmir yollarının vaqon və lokomotiv parkının yenilənməsi layihəsində iştirakına dair danışıqlar dayandırılıb.
Moskvadakı mənbələrdən bildirildiyinə görə, Rusiya «Azərbaycan Dəmir Yolları» üçün yeni lokomotiv və vaqonların alınmasını «Vneştorqbank»ın ayırdığı güzəştli kreditlər hesabına maliyyələşdirməyi, habelə köhnə lokomotiv və vaqonların Rusiya müəssisələrində təmirini təklif etmişdi.
«Lakin bu gün aydındır ki, belə sövdələşmə olmayacaq. Azərbaycan lokomotivləri başqa ölkələrdə təmir etdirir və yenilərini Rusiya müəssisələrindən almağa hazırlaşmır» - deyə mənbə bildirib.
«Azərbaycan Dəmir Yolları» Qapalı Səhmdar Cəmiyyətinin ilkin ehtiyaclarını ödəmək üçün azı 12 çoxsistemli elektrovoz və 100 sərnişin vaqonlarının alınması tələb olunur. Ümumiyyətlə, müəssisəyə 50-dən artıq yeni elektrovoz lazımdır.
Xəbərdə bildirilir ki, Nəqliyyat Nazirliyinin potensial kreditorlarla bu barədə apardığı danışıqlarda dəfələrlə şərtlər dəyişib. Hazırda ən münasib təklifi Almaniyanın İnkişaf Bankı (KFW ) və Avropa İnvestisiya Bankı verib. Sövdələşmənin həcmi 400-500 milyon avro qiymətləndirilir.
Qeyd edək ki, Azərbaycan Nəqliyyat Nazirliyi ilə Rusiya arasında münasibətlərin gərginləşməsi neçə vaxtdır hiss olunur. Rusiya elan edib ki, dekabrın 1-dən etibarən beynəlxalq gömrük tranzit sistemi TIR (Transports İnternationaux Routiers) onun ərazisində işləməyəcək. Bu sistemin qüvvəsinin dayandırılması Azərbaycandan olan yükdaşıyanlar üçün ciddi problem vəd edir.
Nəqliyyat naziri Ziya Məmmədov bu günlərdə bəyan edib ki, Rusiyanın TIR sistemindən imtina etməsi beynəlxalq konvensiyaların pozulmasıdır.
Rusiya daha əvvəl qüvvədə olan TIR kitabçalarının əvəzinə Gömrük İttifaqında öz tranzit sisteminin hazırlanması təşəbbüsü ilə çıxış edib.
Z.Məmmədovun sözlərinə görə, rəhbərlik etdiyi nazirlik bu məsələyə aydınlıq gətirmək üçün Rusiya Nəqliyyat Nazirliyinə yazılı müraciət göndərib. Onun fikrincə, Rusiyanın qəbul etdiyi mövcud qərar beynəlxalq konvensiyanın pozulması anlamına gəlir və Rusiya bu addımı birtərəfli qaydada ata bilməz.
Həmçinin məlum olub ki, Nəqliyyat Nazirliyi İsveçrənin «Stadler Rail AG» şirkətindən 30 sərnişin vaqonunun alınması, habelə Azərbaycan ərazisində vaqonların birgə istehsalının təşkil edilməsi üçün danışıqlar aparır. Yeni vaqonlardan Bakı-Tiflis-Qars dəmiryolunda sərnişindaşıma üçün istifadə olunacaq.
