«Mənsiz də ayırd edəcəklər, dil tapacaqlar»

Ağalarov Tramp-Putin görüşünə qatılmaq istəyirmi?

Virtualaz.org xəbər verir ki, bununla əlaqədar olaraq «Komsomolskaya Pravda» Trampın tanışı və dostu, azərbaycanlı milyarder-oliqarx Araz Ağalarova zəng vurub.

- Araz İsgəndəroviç, Trampı yaxşı tanıyırsınız, necə adamdır?

- Mənimlə ünsiyyət ayrı məsələdir. Bu, yəqin ki, bir səviyyədir. Başqa məsələdir ki, indi o Rusiya Federasiyasının prezidenti ilə təmasda olacaq. Burada proqnozlaşdırmaq çətindir ki, o özünü necə aparacaq, nəyə hazırlaşır.

Belədə isə Donald Tramp kifayət qədər iti ağıla, yaxşı reaksiyaya malik olan adamdır. Ən azından o vaxt Moskvaya gələndə Rusiyaya münasibətdə yaxşı əhvalda idi. Bütün bu şaiyələrə baxmayaraq, hansı ki, KİV-lər hər tərəfdən onu əhatə edib, mən fikirləşirəm ki, o, mövqeyini dəyişməyib. Sadəcə olaraq onu hər tərəfdən sıxırlar ki, Rusiyaya münasibətdə sərt olmaq lazımdır. Və bu, situasiyaya öz izlərini buraxır...

Əgər xatırlayırsınızsa bu məsələ ilə bağlı biz sizinlə müsahibəmizdə demişdik...

- Hə, əlbəttə. Onda Tramp hələ seçki kampaniyasına təzə qatılmışdı...

- Mən onda təxmin etmişdim ki, o, manevr etməli olacaq. Prinsipcə necə demişdimsə elə də oldu.

- Siz o vaxt qeyd etmişdiniz ki, Trampın həsəd aparılacaq tərəfləri var, o, möhkəm adamdır, sınmır, müflis olub, ancaq yenidən ayağa qalxıb. O, həyatında çox şey görüb və heç nədən qorxmur. Doğrudurmu?

- Hə, elədir. Müflis olmaq istənilən biznesmen üçün ağır məsələdir. Trampın Putinlə görüşünə gəldiksə isə... Mən bu söhbətdən sonra kəskin dəyişiklik gözləmirəm. Bununla belə müsbət irəliləyişlər ola bilər.

- Biznesmenlər siyasətçi deyil. Onlar daha praqmatik adamlardır, elə deyilmi?

- Bizim gözləntilərimiz, hisslərimiz başqa. Digər tərəfdən...Siz görürsünüz ona hər tərəfdən təzyiqlər var....Orada hansısa təhqiqat gedir, hansısa cinayət işləri qaldırılır. Və o, bəhanə vermək istəmir ki, təzədən günahlandırsınlar ki, Tramp güzəştə getdi. Tramp mürəkkəb situasiyadadır. Bu bir tərəfdən. Digər tərəfdən bizimlə işləməyə tam anlayışı və arzusu var.

- Dediniz pozitiv irəliləyişlər ola bilər. Hansı mənada pozitiv? Donbass məsələsində, sanksiyaların götürülməsində?

- Mən burada hər hansı proqnozlar verə bilmərəm. Çünki orada Senat var, konqresmenlər var. Orada heç də hər şey sadə deyil.

- Sizin Vladimir Putinə arzularınız? Yeri gəlmişkən bu görüş ərəfəsində XİN-dən, Kremldən kimsə sizinlə əlaqə saxlayıbmı?

- Yox.

- Bəs sizi nümayəndə heyətinə daxil edə bilərlərmi?...

- Yox, hansı müşayiətdən söz gedə bilər? Onlar fikrimcə mənsiz də ayırd edəcəklər, dil tapacaqlar. Təcrübəli adamlardır. Hər şeyi bilirlər, başa düşürlər, hər hansı müşayiət olmadan. Sadəcə olaraq ABŞ və Rusiya anlaşsaydı hamıya yaxşı olardı. Yaşamaq da maraqlı və asan olardı...