Hadisə yerinin müayinəsi zamanı müəyyən olunub ki, Ermənistan silahlı qüvvələri Füzuli rayonunun Alxanlı kəndinə tank əleyhinə mərmilərdən atəş açıb. Bunu Müdafiə Nazirliyinin, XİN-in rəsmi nümayəndələri ilə birlikdə keçirdiyi xüsusi brifinqdə Baş prokurorluğun mətbuat xidmətinin rəhbəri Eldar Sultanov deyib. «Artıq Cinayət Məcəlləsinin müvafiq maddələri ilə cinayət işi qaldırılıb», - Sultanov əlavə edib.***
13:22
Ermənistan silahlı qüvvələri sistemli şəkildə Azərbaycan ordusunun mövqelərinə atəş açır.
Bu barədə Müdafiə Nazirliyinin mətbuat xidmətinin rəhbəri, polkovnik Vaqif Dərgahlı XİN və Baş prokurorluğun rəsmi nümayəndələri ilə birlikdə keçirdiyi xüsusi brifinqdə bildirib. Dərgahlı deyib ki, Ermənistan ordusunun son hücumu birbaşa mülki şəxslərə qarşı yönəlmişdi. «Azərbaycan ordusu dərhal cavab zərbələri endirib. Düşmən itki verib, hərçənd bunu gizlədir», - Dərgahlı jurnalistlərə bildirib.
çap et