Rusiya hökumətinin iclasında məmurların masalarının üzərlərinə qələm yox, sadə karandaşlar qoyurlar. Baş nazirin keçmiş müavini, hazırda Rusiya Sənayeçilər və Sahibkarlar İttifaqının rəhbəri olan Aleksandr Şoxin bildirib ki, bu məsələni baş nazir Dmitri Medvedyevlə söhbətdə qaldırıb.«Mən burada Medvedyevdən soruşdum ki, nəyə görə hökumətin vacib iclaslarında masaların üstündə sadə karandaşlar qoyulur, qələmlər yox. Bilirsiniz nə cavab eşitdim? Dedi ki, qələmləri oğurlayırlar, karandaşları isə yox», - Şoxin bildirib.
Keçmiş vitse-premyer əlavə edib ki, qələmi cibdə gizlətmək asandır, karandaşı isə yox. «Bu hökumət sədrinin mövqeyidir», - iclasın iştirakçılarından biri replika atıb.
çap et