«Beş potensial rəqibimizin hər biri ilə qarşılaşmağı gözləyirdik, bu baxımdan «Kopenhagen» də istisna deyildi». «Report»un məlumatına görə, bunu «Qarabağ» komandasının baş məqşçisi Qurban Qurbanov Çempionlar Liqasının (ÇL) pley-off mərhələsinin püşkünü dəyərləndirərkən deyib.
45 yaşlı mütəxəssis ÇL-in qrupuna düşmək uğrunda qarşılaşacaqları Danimarka çempionu «Kopenhagen»i incələyəcəklərini söyləyib:
«Rəqibimizin gücü bəllidir, vaxtımız azdır. İstənilən halda şansımız var və bundan istifadə etməyə çalışacağıq. Rəqibi analiz edib oyuna maksimum şəkildə hazırlaşacağıq».
Qeyd edək ki, pley-off mərhələsinin ilk oyunları avqustun 15-16-da, cavab matçları isə 22-23-də keçiriləcək. İlk oyun Bakıda baş tutacaq.
***
14:30
Bu gün futbol üzrə Çempionlar Liqasının «play-off” mərhələsinin püşkü atılıb.
VAXT.AZ-ın məlumatına görə, İsveçrənin Nyon şəhərində keçirilən püşkatmada Azərbaycan çempionu «Qarabağ» komandasının da rəqibi müəyyənləşib.
Səpələnməmişlər səbətində yer alan Ağdam təmsilçisinin rəqibi «Kopenhagen» klubu olub.
Qeyd edək ki, «play-off» mərhələsinin ilk oyunları 15-16, cavab matçları isə 22-23 avqustda keçiriləcək.
Qarabağ ilk oyununu evdə keçirəcək.
çap et