Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra aşağıdakı qərarlar qəbul olunub: Topaz Premyer Liqasının 3-cü turunun «Neftçi» – «Kəpəz» matçında «Neftçi»nin 4 futbolçusu sarı vərəqə ilə cəzalandığı üçün klub 800 manat cərimə olunub.Topaz Premyer Liqasının 3-cü turunun «İnter» – «Səbail» matçının 63-cü dəqiqəsində «İnter»in futbolçusu Tərlan Quliyev ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 200 manat cərimə olunub.
Topaz Premyer Liqasının 3-cü turunun «Qarabağ» – «Qəbələ» matçının 69-cu dəqiqəsində «Qarabağ»ın azarkeşləri tərəfindən meydançaya kənar əşyalar atıldığı üçün klub 1600 manat cərimə olunub.
Premyer Liqada çıxış edən klubların əvəzedici heyətlərinin yarışında 2-ci turun «Qarabağ» – «İnter» matçında «İnter»in 4 futbolçusu sarı vərəqə ilə cəzalandığı üçün klub 400 manat cərimə olunub.
Premyer Liqada çıxış edən klubların əvəzedici heyətlərinin yarışında 3-cü turun «İnter" – «Səbail» matçında «İnter»in 4 futbolçusu sarı vərəqə ilə cəzalandığı üçün klub 400 manat cərimə olunub. Oyunun 43-cü dəqiqəsində «Səbail»in məşqçisi Toğrul Əhmədov texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb, klubu 400 manat cərimə olunub.
Premyer Liqada çıxış edən klubların əvəzedici heyətlərinin yarışında 3-cü turun «Neftçi» – «Kəpəz» matçında «Kəpəz»in 4 futbolçusu sarı vərəqə ilə cəzalandığı üçün klub 400 manat cərimə olunub.
çap et