Bu statistikadır: BMT-nin hesablamalarına görə, hər il dünya boyu istehsal olunan ərzağın demək olar ki 30 faizi yeyilmir. Bu isə 1.3 milyard ton ərzaq deməkdir ki, bu ərzaqla dünyada 700 milyondan çox ac insanı yedirtmək olar. Bir nigeriyalı sahibkar həmin ərzağın heç olmasa yarısının ehtiyacı olanlara çatdırılması üçün proqram hazırlayıb.
Bu sahibkar «Chowberry app» proqramını ərzaq mübadiləsi məqsədilə yaradıb. Oskar Ekponimo: «Atam xəstə olduğu üçün müvəqqəti olaraq işləmirdi. O vaxt mən də işləmirdim və biz çətinlik çəkirdik. Keşfiyyətli yeməyə ehtiyacımız var idi».
O, belə ağır günlərdən digər uşaqların da keçməsini istəmədi. «Belə bir vəziyyətin mənə psixoloji təsiri oldu və mən mənimlə çalışan alimlərə deyirdim ki, nə zamansa bu problemə son qoyacağam. Digərlərinin də mənim keçdiklərimdən keçməməsi üçün bütün bacarığımdan istifadə edəcəyəmə söz verdim».
İstifadə tarixi başa çatdıqdan sonra hələ də təzə və yeyilməsi mümkün olan ərzaqlar tullanmaqdansa, onlardan istifadə etmək olar.
Mağaza sahibləri artıq satılmayan malları App proqramına yükləyə və aşağı qiymətlə xeyriyyə təşkilatlarına sata bilər. Həmin təşkilatlar isə həmin ərzağı ehtiyacı olanlara çatdıra bilər. «Mən işləmədiyim üçün ailəmə ərzaq ala bilmirdim. Lakin artıq insanlar mənə yardım edir və mənim uşaqlarım ac qalmır» deyə, Uqvu Çizoba adlı qadın bildirir.
App proqramı hamı üçün yaxşıdır, çünki sahibkarlar da adətən tullaqdıqları ərzağa görə az da olsa pul qazanır. «Hədəf isə bu platformanı genişləndirməkdir. Bizim təklifimiz sadədir, istifadə olunmayan ərzaq məhsullarının tullantıya çevrilməməsi üçün onu ehtiyacı olanlara çatdırmaq».
Oskar Ekponimo deyir ki, 2018-ci ilin sonunadək onun proqramı 100 min insana yardım edəcək.
çap et