Azərbaycan Yazıçılar Birliyinin sədri yazıçı Anar və bir çox tanınmış yazarlar işğaldan azad olunmuş torpaqlarımıza yollanır. Bu barədə «Azərbaycan Yazarlar Klubu» İctimai Birliyinin sədri Elçin Hüseynbəyli müraciət yayıb. Vaxt.az göndərilən müraciətdə deyilir.
«Hörmətli həmkarlar!
«Azərbaycan Yazarlar Klubu» İctimai Birliyi (AyAK) «Canımız Qarabağ, yazımız Qarabağ -2» adlı layihəni davam etdirir. Layihə çərçivəsində bu il oktyabrın 6-da Cocuq Mərcanlıya (Cəbrayıl) və Horadizə (Füzuli) səfər gerçəkləşdiriləcək. Bu görüşə xalq yazıçısı Anar başda olmaqla bir qrup tanınmış yazar qatılacaq. Səfər və görüşlər zamanı oxuculara və kitabxanalara kitablar hədiyyə ediləcək. Bu kitablar arasında Qarabağ savaşının iştirakçıları ilə bağlı kitablar və filmlər əsas yeri tutur.
Qeyd edək ki, layihə Azərbaycan Respublikası Prezidenti yanında QHT-lərə Dövlət Dəstəyi Şurasının qrantı əsasında həyata keçirilir.
Xahiş edirik ki, bölgə müxbirləriniz bu səfərləri diqqətdə saxlasınlar və mümkün qədər onları işıqlandırsınlar».
çap et