Bu ilin doqquz ayında vergi ödəyiciləri dövlət büdcəsinə 5 milyard 224,4 milyon manat vəsait ödəyiblər. Vergilər Nazirliyi proqnozdan 0,1 faiz artıq vəsait toplandığını açıqlayıb. Ötən ilin eyni dövrü ilə müqayisədə Vergilər Nazirliyinin xətti ilə dövlət büdcəsinə ödəmələrin həcmi 298,3 milyon manat və ya 6 faiz artıb.İdxal-ixrac əməliyyatlarından da təxminən bir o qədər çox vergi və rüsum yığılıb.
Oktyabrın 6-sı Dövlət Gömrük Komitəsi də aylıq gömrük vergi və rüsumlarının toplanması vəziyyəti haqda məlumat verib. Doqquz ayda gömrükçülər 1 milyard 951,6 milyon manat toplaya biliblər. Bu ötən ildən 297,9 milyon manat (18 faiz) çoxdur.
Plan artırılıb
Bu ilin iyun ayında dövlət büdcəsinə əlavə və dəyişikliklər edilib. 2017-ci ildə Vergilər Nazirliyinin xətti ilə dövlət büdcəsinə 7 milyard. 645 milyon manat – ilin əvvəlində nəzərdə tutulandan 135 milyon manat çox yığılması nəzərdə tutulub. Gömrükçülərin planı isə 50 milyon manat artırılıb. Gömrük vergi və rüsumları üzrə bu il 1 milyard 250 milyon manat toplanacağı proqnozlaşdırılırdı. Proqnoz artıq, yerinə yetirilib.
çap et