Beynəlxalq bazarlarda son günlər 1.5 faiz bahalaşan dollar, bu gün əlavə olaraq 1 faiz də bahalaşa bilər. Eyni zamanda önəmli göstəricilər açıqlanacaqdır.Dünya valyuta birjalarında avronun qiyməti 1.23 dollara ticarət edilir və təhlillərə əsasən, eniş dalğası 1.22 dollara kimi də davam edə bilər.
Türkiyə bazarlarında da dollar/lirə məzənnəsi 3.81 lirəyə kimi bahalaşıb və qiymət 3.81 lirənin üzərində möhkəmlənərsə, 3.87 lirəyə kimi də bahalaşa bilər.
Bununla yanaşı, bu gün Bakı vaxtı ilə saat 13:00, 18:15 və 18:45-də müvafiq olaraq açıqlanacaq Avrozonanın biznes mühiti, İngiltərənin inflyasiya hesabatı və ABŞ-ın biznes mühiti ilə bağlı önəmli fundamental məlumatlar da investorların diqqət mərkəzindədir və birjalarda güclü dalğalanmalara səbəb ola biləcəyi gözlənilir.
çap et