UEFA videotəkrar sisteminin (VAR) Çempionlar Liqasında (ÇL) tətbiqinə tələsmir. Bunu qurumun prezidenti Aleksander Çeferin açıqlayıb.O bildirib ki, 2018/19 mövsümündə VAR-dan istifadə
olunmayacaq. Çeferin yeniliyin ÇL-də tətbiqinin 2019/20 mövsümündə mümkün
olmasını qeyd edib: “ÇL “Ferrari” və ya “Porşe” kimidir. Dərhal əyləşib, sürə
bilməzsən. Əvvəl məşq etməli, sınaqdan keçirməlisən. Hər kəs bilməlidir ki, necə
işləyir. Bu üzdən də VAR-ın turnirdə peyda olması hələ tezdir. Amma sistemin
qitənin ən nüfuzlu klub turnirində istifadəsi qaçılmazdır. Buna görə də, tələsmək
lazım deyil. Real baxsaq, VAR-ın ÇL-in 2019/20 mövsümündə istifadəsi mümkündür”.
Qeyd edək ki, VAR-dan bu ilin yayında Rusiyada keçiriləcək DÇ-2018-in final mərhələsində də istifadə olunacaq.
çap et