Rusiya müqavilə əsasında Türkiyəyə çatdırılacaq “S-400” zenit raket komplekslərinin istehsalına başlayıb.“Ria Novosti” xəbər verir ki, bu barədə “Rosoboronaeksport”un rəhbəri Aleksandr Mixeyev mətbuata açıqlama verib.
“Biz müqavilənin icrasına başlamışıq. İstehsal başlanılıb. Orada dövrlər, mərhələlər var. Hər şey razılaşdırılıb. Öz öhdəliklərimizi yerinə yetirəcəyik”, – Mixeyev bildirib.
Xatırladaq ki, Rusiyadan “S-400” komplekslərinin alınması Türkiyə üçün sanksiyalarla nəticələnə bilər. Ekspertlərin fikrincə, bu yaxınlarda Türkiyə banklarının ABŞ-dan öz aktivlərini çıxarması da buna hesablanıb.
çap et