“Keçmiş SSRİ-in perimetrində dondurulmuş münaqişələr üzrə nümunələr çoxdur. Və hər yerdə Rusiya iştirak edir. Moldova, Gürcüstan və Azərbaycan hesablayırdımı ki, hər şey belə uzun davam edəcək? Onlar da bizim kimi gözləyirdilər ki, hər şey bir-iki il davam edəcək. İyirmi beş il keçdi, amma son görünmür”.Bu açıqlamanı “Apostrof” nəşrinə müsahibəsində Ukrayna Xorvatiya ilə Bosniya və Herseqovinadakı səfiri Aleksandr Levçenko bildirib.
O, Donbas münaqişəsi üzrə ssenarilərdən danışıb. Diplomatın sözlərinə görə, Donbasda hərbi ssenari Kremlin maraqlarına uyğundur.
“Axı qarşısıalınmaz əməliyyatın başlanmasının ikinci günündə on minlərlə Rusiya xüsusi təyinatlısı və başkəsəni sərhədin 400 kilometri boyu girəcək. Və qorxunc şeylər başlanacaq. Buna görə də hərbi ssenari çox təhlükəlidir. Fikrimcə, Putin və Kreml bunu nəzərə alırlar”, - səfir deyib.
Növbəti ssenari, diplomat hesab edir ki, ərazilərin BMT-nin sülhməramlılarının cəlb edilməsiylə dinc yola qayıdışıdır:
“Kreml belə ssenaridən əvvəl imtina etmirdi. O sonra ATƏT-in missiyasının mühafizəsi üçün təmas xəttində sülhməramlılardan ibarət kontingentin ayrılmasını təklif etdi. Əlbəttə, bu nə Ukrayna, nə də BMT-nin Təhlükəsizlik Şurası tərəfindən dəstək tapmayacaq”.
Krım məsələsisinin Donbas məsələsi ilə bağlı olduğunu deyən diplomat hesab edir ki, Ukrayna, Avropa və dünya üçün təhlükəsizlik baxımından Krım Donbasdan daha əhəmiyyətlidir:
“Axı məhz Krımın zəbt edilməsindən sonra müharibə başlandı. Və əgər biz indi Krımın qayıdışı haqqında Kremllə bir təhər razılaşacağıqsa, onda Donbas məsələsi avtomatik həll ediləcək. Amma Donbas haqqında razılaşacağıqsa, onda Krım haqqında məsələ heç cür avtomatik həll edilməyəcək. Krım presedenti beynəlxalq hüquq və beynəlxalq münasibətlərdə xaosu yaradır. Krımın qayıdışı üzrə təzyiq Donbas məsələsiylə paralel həyata keçirilməlidir”.
Aleksandr Levçenkonun fikrincə, Putin Krımdan diqqəti yayındırmaq üçün Donbas münaqişəsi haqqında fikirləşməsi istisna edilmir.
Diplomat həmçinin xatırladır ki, Kremlin ritorikasında 2015-ci ildən Krımın Donbasla dəyişdirilməsinə hazırlıq hiss olunur:
“Kreml Donbasa silahlı birləşmələri daxil etdi, Ukrayna xalqında nifrəti əkdi. Hər şey nə üçün idi? Bircə, Krımın qayıdışı haqqında danışmayaq. Ona ABŞ-ın Dövlət Departamentinin Ukrayna üzrə xüsusi nümayəndəsi Kurt Volker vasitəsilə siqnalı verin ki, biz Krımı unutduq və Donbasda hər şey çox tezliklə nizama salınacaq. Amma nə biz, nə də dünya cəmiyyəti heç vaxt buna getməyəcək. Belə bir tezisi ortaya atırlar ki, Donbas Putinə lazım deyil. Mümkündür ki, lazım deyil, amma onu belə asanlıqla verməyəcək, onu dəyişmək istəyir. Donbasdakı bədbəxt insanlar “rus dünyası” ideyasını inandılar və onun girovu oldular. İnanırlar ki, Rusiya Donbası özünə götürəcək, amma o, bunu etməyəcək. O, bunu planlaşdırmırdı.
çap et