İran OPEC+ ölkələrinin görüşündə iştirak etməkdən imtina edib. Bu barədə İranın neft naziri Bican Namdar Zənqane bildirib.
O, bəyan edib ki, İran OPEC+ ölkələrinin iyunun 23-də keçiriləcək görüşündə iştirak etməyəcək: “Sözügedən görüş zamanı razılıq əldə edilə biləcəyinə inanmıram. OPEC ABŞ prezidenti Donald Trampın təlimatlarını həyata keçirən təşkilat deyil”.
Xatırladaq ki, görüşdə OPEC ölkələri neft hasilatının həcminin artırılması ilə bağlı məsələni müzakirəyə çıxaracaqlar. ABŞ isə bazarda “qara qızıl”ın qiymətinin azaldılması üçün tədbirlər görülməsini dəstəkləyir. Bundan başqa, Rusiyanın energetika naziri Aleksandr Novak neft hasilatının həcminin sutkada 1,5 milyon barrelə qədər artırılmasını təklif edib.
çap et