Almaniya Nikolas Maduroya xəbərdarlıq edib. Belə ki, gələn həftənin bazar gününə qədər prezident seçkiləri elan edilməsə, rəsmi Berlin müxalifətçi lideri Quaydonu prezident tanıyacağını açıqlayıb.* * *
Fransa prezidenti Emmanuel Makron da Venesuela prezidentinin tanıması ilə bağlı tələb irəli sürüb. O, bu barədə “Twitter” səhifəsində yazıb.
O qeyd edib ki, səkkiz gün ərzində seçki elan olunmasa, Paris müxalifət lideri Xuan Quaydonu dövlət başçısı kimi tanıyacaq.
“Venesuela xalqı öz taleylərinə dair sərbəst qərar vermək hüququna malik olmalıdır", - E.Makron yazıb.
* * *
Bundan əvvəl, İspaniya baş naziri Enrike Lopez də analoji tələblə çıxış edib.
Xuan Quaydo yanvarın 23-də özünü prezident elan edib.
çap et