Bu gün Bakıda OPEC və qeyri-OPEC ölkələrin nazirlərinin Birgə Monitorinq Komitəsinin 13-cü iclası keçiriləcək.İclasda qlobal neft bazarının sabitliyi ilə bağlı “OPEC plus” çərçivəsində görülən tədbirlər, dekabr qərarının icra vəziyyəti ətrafında müzakirələr aparılacaq.
İclasında 14 neft ölkəsi və OPEC Katibliyi yüksək səviyyədə təmsil olunacaq.
Rusiya Federasiyasının energetika naziri Aleksandr Novak, Səudiyyə Ərəbistanı Krallığının energetika, sənaye və təbii sərvətlər naziri Xalid Əbdüləziz Əl Falih daxil OPEC və OPEC-ə üzv olmayan ölkələrinin energetika nazirləri Bakıya gəliblər.
İclasda Azərbaycanın energetiika naziri Pərviz Şahbazov, Birgə Monitorinq Komitəsinin sədri Xalid Əbdüləziz Əl Falih, OPEC prezidenti Manuel Kevedo Fernandes və OPEC-in Baş Katibi Məhəmməd Barkindonin salamlama nitqləri nəzərdə tutulub.
Sonra OPEC-in bazarın inkişaf tempinin təhlili əsasında hazırlanmış təqdimatı və Müştərək Texniki Komissiyanın fevral ayı üzrə hasilat göstəricilərindən bəhs edən hesabatı dinləniləcək.
İcasın yekunlarına dair mətbuat konfransı keçiriləcək. Tədbiri işıqlandırmaq üçün 20-dən xarici media orqanı və yerli KİV-in 180 nəfərə yaxın nümayəndəsi qeydiyyatdan keçib.
Qeyd edək ki, Nazirlərin Birgə Monitorinq Komitəsinin iclasından bir gün əvvəl - martın 17-də Bakıda Müştərək Texniki Komissiyasının (JTC) 27-ci iclası da keçirilib.
çap et