Özəl sektor məlumatlarının ABŞ-da xam neft ehtiyatlarının təxminən iki ilin ən yüksək səviyyəsinə qalxdığını göstərməsi, ABŞ və Çin arasındakı ticarət anlaşılmazlığının davam etməsi ilə əlaqədar olaraq neft qiymətləri düşür.Amerikan Neft İnstitutu (API) məlumatlarına görə, ABŞ-da xam neft ehtiyatları keçən həftə 4.85 milyon barel artıb.
ABŞ Prezidenti Donald Tramp, Pekinin bu ilin əvvəlində müzakirə edilən maddələrə geri dönənə qədər Çin ilə bir ticarət razılaşması etməyəcəklərini söyləyib.
Bakı vaxtı ilə saat 07:35-ə olan məlumata görə, Brent nefti 4,1 faiz ucuzlaşma ilə 59,83, ABŞ xam nefti isə 4,3 faiz ucuzlaşma ilə 51,05 dollardan alıcı tapıb.
Qeyd edək ki, Azərbaycanın 2019-cu il dövlət büdcəsində neftin qiyməti 60 dollar götürülüb. Nəzərdə tutulan proqnozların reallaşması və gəlirlərin əldə edilməsi üçün neft ən azı 60 dollar olmalıdır.
Neft qiymətləri, ABŞ ilə Çin arasında şiddətlənən ticarət müharibəsinin neftə tələbi azaltmasının təsiri ilə Aprel sonlarından bu yana 20%-dən çox düşüb.
Birləşmiş Ərəb Əmrliklərinə görə, Neft İxrac edən Ölkələr Birliyi (OPEC) və ortaqları, növbəti yığıncağın tarixini təyin etməkdə çətinlik çəkirlər. Buna qarşı, istehsalın azaldılması sazişini uzatmaq mövzusunda razılaşmaya çox yaxındırlar.
* * *
Azərbaycanın dünya bazarına çıxararaq satdığı “Azeri LT CIF” markalı xam neftin qiyməti 1,78 ABŞ dolları və yaxud 2,74 faiz azalıb. “Azeri Light”-ın bir barelinin qiyməti 63,20 dollar təşkil edib.
çap et