Ukraynanın işğalı fonunda Rusiya prezidenti Vladimir Putinə maliyyə sanksiyalarını sərtləşdirmək cəhdi ilə dünya ölkələri ona yaxın hesab edilən oliqarxların qiymətli mülklərini ələ keçirib.Rusiya Ukraynanı işğal etdiyi bir vaxtda müharibə səhnələri dəhşət doğurur: kütləvi məzarlar qazılır, küçələrdə cəsədlər, milyonlarla insan sərhədləri aşmağa çalışır, BMT isə bunun İkinci Dünya Müharibəsindən bəri ən sürətlə böyüyən qaçqın böhranı olduğunu bildirir.
Maliyyə sanksiyalarının Putini öz müharibəsi haqqında yenidən düşünməyə vadar edəcəyinə ümid edən bir çox ölkə ona ən yaxın milyarderləri hədəf alıb.
Ukraynanın işğalı başlayandan bəri 20 rusiyalı oliqarx sanksiyaya məruz qalıb.
Bura hətta İngiltərə futbol komandasını satışa çıxardıqdan sonra gəlirin Ukraynadakı müharibə qurbanlarına veriləcəyini bildirən Roman Abramoviç və cümə axşamı Böyük Britaniya tərəfindən sanksiya tətbiq edilən daha altı nəfər daxildir.
“Mən rusiyalı oliqarxlara və bu zorakı rejimdən milyardlarla dollar qazanan korrupsioner liderlərə deyirəm... Biz onların yaxtalarını, dəbdəbəli evlərini, şəxsi təyyarələrini tapmaq və ələ keçirmək üçün avropalı müttəfiqlərlə birləşirik. Biz sizin vaxtsız əldə etdiyiniz qazanclarınız üçün gəlirik” - deyə, ABŞ prezidenti Bayden bildirib.
Dünyanın hər yerində, Rusiyanın dövlət neft şirkəti “Rosneft”in baş direktoruna məxsus hazırda Fransanın cənubunda saxlanılan 280 futluq yaxta kimi qiymətli oyuncaqlar ələ keçirilib.
Alişir Usmanov 14 milyard dollar sərvəti olan Putinin yaxın müttəfiqidir. Onun yaxtası Almaniyadadır və bildirilir ki, ixrac icazəsi olmadan yola düşə bilməz. Bu, təxminən 600 milyon dollar dəyərində olan dünyanın ən böyük yaxtalardan biridir.
“Hamının başçının üzüyünü öpdüyü mafiyanı xatırlayın və o, çoxlu pul qazanır... onlara sanksiya tətbiq etməklə biz Putinin bütün hakim kleptokratiyasına təzyiq edirik”, – deyə ABŞ Dövlət Katibinin keçmiş köməkçisi Daniel Frid qeyd edib.
“Forbes” hesab edir ki, aktivləri dondurulan rus milyarderləri müharibə başlayandan bəri 126 milyard dollardan çox itiriblər.
Bu arada, 19 yaşlı Cek Sviniy kimi internet biliciləri onları izləməyə çalışır. Sviniy İlon Maskın şəxsi təyyarəsini izləməklə məşhurlaşmışdı.
O, indi rusiyalı oliqarxların təyyarələrini izləyir.
“Əvvəlcə, mən sadəcə təyyarələri izləməkdə maraqlı idim, çünki başqaları məndən xahiş etmişdi, amma indi görürəm ki, bu rusiyalı oliqarxların arxasınca getməklə Ukraynadakı insanlara bir növ kömək edə bilərəm”, – deyə Cek Sviniy bildirib.
Bu arada 50-dən çox oliqarx və onların qohumlarının ABŞ-a səfəri qadağan edilib. Lakin ekspertlər Putinin oliqarx müttəfiqlərinin ona hansı təsirinin olduğuna əmin deyillər, eyni zamanda Rusiya prezidentinin ən etibarlı müşavirlərinin dairəsinin daraldığı bildirilir.
çap et