Ötən illə müqayisədə 25 faiz azalma

Urmiya gölünün su səviyyəsi daha da aşağı düşüb

Qərbi Azərbaycan Regional Su Şirkətinin rəsmisi, son statistikalara əsasən, Urmiya gölündə su səviyyəsinin 1270 metr 74 santimetrə olduğunu bildirib. 2021-ci ilin sentyabr ayının sonlarında gölün su səviyyəsi 1270 metr 65 santimetr idi.

Mehrəng Dusti Rzayi “Urmiya gölünün səviyyəsi ötən ilin eyni dövründən xeyli fərqlənir və onun hazırkı səviyyəsi keçən ilin eyni dövrü ilə müqayisədə 68 sm aşağıdır”, - deyə əlavə edib.

Dusti Rzayi Urmiya gölünün sahəsinin ötən ilin müvafiq dövrü ilə müqayisədə xeyli azaldığını vurğulayıb.

Qərbi Azərbaycan Regional Su Şirkətinin Əsas Su Ehtiyatlarının Tədqiqatları üzrə direktoru Dusti Rzayi Urmiya gölünə buraxılan su miqdarının keçən il ilə müqayisədə 25 faiz azaldığını bildirib.

Onun dediklərinə görə, 2020-ci ilin sentyabr ayının sonlarından həmin ilin mart ayının ortalarına kimi Urmiya gölünə 384 milyon kubmetr su daxil olub lakin 2021-ci ildə həmin tarixlər arasında hövzəyə 367 milyon kubmetr su buraxılıb.

Günü-gündən vəziyyəti daha da pisləşən və qurumaq üzrə olan hövzənin su normasını təmin etmək üçün Urmiya Gölü Bərpası Qərargahının proqramlarından biri göl ətrafında olan bəndlərin arxasındakı anbarlardan gölə doğru su buraxmaqdır.

Gölün qurumasının əsas səbəblərindən biri gölə axan çayların qarşısında lazım olmayan və prinsipsiz bir şəkildə tikilən çoxlu sayda bəndlərdir.

İran Azərbaycanında vətəndaşların dəfələrlə bu bəndlərin ortadan götürülməsi və gölə su buraxılması üçün etirazlarına baxmayaraq bu iş sadəcə bir vəd kimi İran parlamenti namizədləri və ya prezidentləri dilindən eşidilib.